Улуттук банк эсептик ченди 14% деңгээлинде калтырды - жыл башында 8.5% болчу
Улуттук банк Башкармасы 2022-жылдын 31-октябрында эсептик ченди (негизги ченди) 14% деңгээлинде сактоо чечимин кабыл алды. Бул тууралуу регулятордун маалымат кызматы билдири.
Чечим 2022-жылдын 1-ноябрынан тартып күчүнө кирет.
Белгилей кетсек, Улуттук банк эсептик ченди көтөрүү менен сомдун наркын көтөрөт, жыйынтыгында, коммерциялык банктар да пайыздарын көтөрүүгө аргасыз болот. Жөнөкөй тил менен айтканда, сомдун баркы көтөрүлүп, элдерге акча кымбаттайт. Кошумча, бериле турган кредиттерге кошумча пайыздар кошулат.
Эскерте кетсек, өлкөнүн башкы банкы 2022-жылдын 31-январында эсептик ченди 50 базистик пунктка 8.5%га чейин жогорулатуу чечимин кабыл алган.
Белгилей кетсек, буга чейин Economist.kg Улуттук банктан эсептик чен кандай иштээрин жана ал кандай себептер менен көтөрүлүп жаткандыгына түшүндүрмө сураганда, жөнгө салуучу эсептик ченди көтөрүү инфляцияны басаңдатуу үчүн жасалып жаткандыгын билдирген болчу.
