Doscredobank Баткенде каза болгон прапорщиктин үй-бүлөсүнө батир тапшырды

Назира Абдиева

14 нояб. 2022 23:03

Doscredobank Баткендеги чек ара кызматында кызмат өтөп жүрүп курман болгон прапорщик Кулатбек Абдисамат уулунун үй-бүлөсүнө жардам иретинде Бишкек шаарынан үч бөлмөлүү батир тапшырды.

Кулатбек Абдисамат уулу кыргыз-тажик чек арасында орун алган куралдуу жаңжалда эрдик көрсөтүп курман болгон, анын артында жубайы беш баласы менен калды.

Маркумдун жубайы ал WhatsApp аркылуу сүрөт жана кыска гана билдирүү жибергенин айтат:

“Ал алагды кылбагыла деп аудиобилдирүү жиберген. Андан кийин биз сарсанаа болуп кайра-кайра байланышууга аракет кылдык, бирок жооп болгон жок. Анан мен “Башталдыбы?”, деп жаздым, ал баары жайында экенин жазды. Андан кийинки жазган билдирүүлөрүм ачылып окулган да жок”,- деп эскерди маркумдун жубайы.

Мындан мурун Кулатбек айылдын WhatsApp’тагы тайпасына маалымат жиберип, калктын коопсуз жайга эвакуация болушуна жардам берген. Кулатбек беш жоокер менен чогуу тоодогу жаңжал орун алып жаткан аймактын так борборундагы позициялардын биринде турушкан.

Doscredobank Баткен жана Ош облустарындагы куралдуу чыр-чатактан жабыркагандарга терең кайгыруу менен көңүл айтат.

“Ушундай зарыл болуп турган кырдаалда өз учурунда жардам көрсөткөн Банкка ыраазычылык билдирем”,- деди маркумдун жубайы.

Буга чейин Банктын кызматкерлери тарабынан акчалай жардам көрсөтүлүп жана Баткен, Ош облустарынын жашоочуларына гуманитардык жардам берилген.

Шилтеме:

Баткен жана Ош облустарында орун алган куралдуу чыр-чатактан жабыр тарткан кардарларды колдоо максатында, ошондой эле КРУБнын № 2022-П-12/62- (НПА) номерлүү “Коммерциялык банктардын, банктык эмес жана адистештирилген каржы-насыя уюмдарынын Баткен жана Ош облустарындагы куралдуу чыр-чатактан жабыркаган кардарларына колдоо көрсөтүү маселелери боюнча Кыргыз Республикасынын Улуттук банкынын айрым чечимдери жөнүндө” токтомун ишке ашыруу максатында, “Дос-Кредобанк” ААКы жабыр тарткан кардарлардан келип түшкөн кайрылуулардын бардыгын карап чыкмакчы. Кененирээк маалымат алуу үчүн “Дос-Кредобанктын” бөлүмдөрүнө кайрыла аласыздар, ал эми иштөө мөөнөтү боюнча маалымат менен www.dcb.kg таанышсаңыздар болот. (0225 00 86 86) WhatsАpp номерине же Банктын office@doscredobank.kg электрондук дарегине электрондук каттарды (сканерленген документтерди дагы) жиберсеңиздер болот.

Мындан тышкары окуңуз

Айыл чарба насыяларынын пайыздык чени 3%га чейин төмөндөйт

Президент Садыр Жапаров фермерлер үчүн айыл чарба насыяларынын пайыздык ченин 6%дан 3%га чейин төмөндөтүүнү тапшырды. Бул тапшырма Араван районунун тургундары менен жолугушууда айтылды. Жолугушуунун катышуучуларынын бири өзүн райборбордон (Аравандан) 200 км алыстыкта жайгашкан Кичи-Алай айылынын тургуну катары тааныштырып, айыл чарбасына жеңилдетилген насыяларды берүү мүмкүнчүлүгүн карап чыгууну суранды. Анын

Менчиктештирүү жөнүндө жаңы мыйзам долбоору парламентке киргизилди

Жогорку Кеңешке мамлекеттик менчикти менчиктештирүүнү масштабдуу реформалоо тууралуу мыйзам долбоору киргизилди. Документ мамлекеттик активдерди сатуу механизмдерин түп-тамырынан өзгөртүүнү жана инвесторлор үчүн жол-жоболорду жөнөкөйлөтүүнү сунуштайт. Демилгечи — Министрлер кабинети. Долбоорго ылайык, мыйзамдардан буга чейин колдонулуп келген бир катар менчиктештирүү ыкмалары алынып салынат. Атап айтканда, конкурс аркылуу сатуу, ошондой эле мүлктү ижарага же

Бишкекте жылуулук түйүндөрүн оңдоо иштери башталат: кайсы көчөлөр жабылат?

Борбор калаада 15-апрелден тарта Шабдан Баатыр көчөсү жана Фрунзе көчөсү тилкелеринде жылуулук тармактарын реконструкциялоо башталарын муниципалдык "Бишкекжылуулук тармактары" ишканасы билдирди. Анын маалыматына ылайык, Шабдан Баатыр көчөсүнүн түштүк тарабы — Курманжан Датка көчөсүнөн Достоевский көчөсүнө чейин, ошондой эле Фрунзе көчөсүнүн Тыныстанов көчөсүнөн Тоголок Молдо көчөсүнө чейинки бөлүгү жабылат. Шабдан Баатыр

Жеке мектеп, бала бакча куруучуларга 2 гектарга чейин жер бекер берилет – Садыр Жапаров

Мамлекет жеке менчик бала бакчаларды жана мектептерди куруу үчүн жер бөлүп берүүгө даяр экенин президент Садыр Жапаров 11-апрелде Ош облусунун Араван району тургундары менен жолугушууда билдирди. Анын айтымында, кимде-ким бала бакча же мектеп курууну кааласа, жер акысыз берилет: район борборлорунда, чакан шаарларда, облустук борборлордо, ошондой эле Бишкек жана Ош шаарларында.