«Альянс Алтын» компаниясы бюджетке 8.8 млрд сом төктү
Жерүй кенин иштетип жаткан “Альянс Алтын” компаниясы ноябрь айына карата республикалык жана жергиликтүү бюджетке 8.8 млрд сом салык төлөсө, анын 5.8 млрд сому алтынды сатуудан түшкөн каражаттан берилген. Бул тууралуу компаниянын финансылык отчетунда айтылат.
“Альянс Алтын” ишканасы Талас районунун жергиликтүү бюджетине инфраструктураны өнүктүрүүгө жана күтүүгө 615 млн 199 миң сом төлөгөн, анын ичинде:
- Талас облусун өнүктүрүү фонду – 307 млн 599 миң сом
- Талас районунун өнүктүрүү фонду – 184 млн 559 миң сом
- Бекмолдо айыл өкмөтүнүн өнүктүрүү фонду – 123 млн 39 миң сом.
Октябрга карата компанияда 778 кызматкер иштейт, анын ичинде:
- башка аймактардан – 185 кызматкер (27%)
- Талас районунан – 494 кызматкер (73%), анын ичинен Бекмолдоев айыл өкмөтүнөн – 201 кызматкер (Талас районунан кызматкерлердин жалпы санынын 41%).
Ошондой эле компания Талас районунун 361 жашоочусун окутуп, натыйжада, кабыл алуу комиссиясынын ишинин жыйынтыгы боюнча 2022-жылдын октябрь айына карата алардын ичинен 207 адам «Альянс Алтын» ЖЧКсына жумушка орношкон.
Өндүрүштүк керектөөлөр үчүн пайдаланылган жер үстүндөгү суулар үчүн төлөмдү чогултуу боюнча эсептөөлөр жүргүзүлдү. 2022-жылдын октябрына карата чогултулган каражат 13.127 млн сомдон ашты. Компаниянын маалыматы боюнча, жакын арада бул сумма республиканын бюджетине которулат.
