Бишкекте санитардык нормаларды бузган бир катар компаниялар жоопко тартылат - тизмеси
Бишкек шаардык мэриясы санитардык нормаларды бузган бир катар компанияларды жоопко тарткандыгын билдирди.
Тазалык тартибин сактабагандыгы үчүн КРнын “Укук бузуулар жөнүндө” кодексинин 114-беренесине ылайык, Жал кичи районундагы “Ата Бей Групп” курулуш компаниясы, “Партнер Ойл” ЖЧКсы, Поваренская көчөсүндөгү “Алтын курулуш” компаниясы, “Кут” курулуш компаниясы, Лущихин көчөсүндөгү “Фами Кола” компаниясы көчөдөгү антисанитардык абал үчүн жоопко тартылышты.
Андан тышкары, жакында төмөнкү компаниялар жоопко тартылышат:
- “Аалам” ишканасы
- “Арай” ишканасы
- “Элит Газ” ишканасы
- “Гемотест KG” ишканасы.
Ошондой эле, муниципалдык инспекция борбор калааны көрктөндүрүү боюнча эрежелерди бузуунун бардык катталган фактылары боюнча тартип бузгандардын күнөөсүн мойнуна алган-албаганына карабастан, жаза колдонуу жөнүндө протоколдор түзүлөрүн эскертет.
