Кыргыз-тажик чек арасын делимитациялоо жана демаркациялоо боюнча Дүйшөмбүдө протоколго кол коюлду
Кыргыз-тажик мамлекеттик чек арасын делимитациялоо жана демаркациялоо боюнча өкмөттүк делегациялардын кеңешмеси өттү. Бул тууралуу минкабдын маалымат кызматы билдирди.
КР министрлер кабинетинин төрагасынын орун басары – УКМКнын төрагасы Камчыбек Ташиевдин жана Тажикстан Республикасынын УКМКсынын төрагасы Саймумин Ятимовдун төрагалыгы астында Тажикстандын Дүйшөмбү шаарында КРнын жана Тажикстандын кыргыз-тажик мамлекеттик чек арасын делимитациялоо жана демаркациялоо боюнча өкмөттүк делегацияларынын кезектеги кеңешмеси болуп өттү.
“Кеңешменини жыйынтыгы боюнча тийиштүү протоколго кол коюлду. Тараптар кийинки кеңешмени КРнын аймагында өткөрүүнү макулдашышты”, – деп айтылат маалыматта.
Минкабдын маалымат кызматы жолугушуу достук жана өз ара түшүнүшүү манаайында өткөнүн белгиледи.
