Жогорку Кеңештин депутаттары MegaCom компаниясынын иши менен таанышышты
Бүгүн, 29-ноябрда, Транспорт, коммуникациялар, архитектура жана курулуш боюнча комитетинин мүчөлөрү «Альфа Телеком» ЖАКтын башкы кеңсесинде MegaCom мамлекеттик уюлдук байланыш операторунун ишмердүүлүгү менен таанышып, көчмө жыйын өткөрүштү.
Парламентарийлерге ата мекендик байланыш операторунун ишмердүүлүгүнүн жыйынтыктары тууралуу видеотасма көрсөтүлдү, анда MegaCom компаниясынын 16 жылдык тарыхындагы негизги жетишкендиктери жөнүндө айтылды. 2022-жылдык иштин жыйынтыктары менен «Альфа Телеком» ЖАКтын башкы директору Нурлан Мамытов тааныштырды.
Жыйындын жүрүшүндө депутаттар MegaCom компаниясынын коммерциялык көрсөткүчтөрү жана 2023-жылга компанияны жана анын продукциясын өнүктүрүү пландары тууралуу маалымат алышты. Жогорку Кеңештин комитетинин мүчөлөрү «Альфа Телеком» ЖАКнын республиканын бюджетин толтурууга кошкон салымын жогору баалашты.
Расмий бөлүктүн аягында Нурлан Мамытов Жогорку Кеңештин комитетинин мүчөлөрүнө MegaCom компаниясынын негизги бөлүмдөрү менен таанышып, конокторду компаниянын байланыш борборунун өзгөчөлүктөрү, ошондой эле «Альфа Телеком» ЖАКтын коммерциялык жана техникалык дирекциялары менен тааныштырды.
