Кыргызстандык ишкерлер Германияда дагы үч жыл стажировкадан өтө алышат

Назира Абдиева

01 дек. 2022 21:57

Башкаруудагы кадрлардын квалификациясын жогорулатуу боюнча «Fit for Partnership with Germany» программасы 2023-2025-жылдарга чейин узартылды. Ага ылайык, кыргызстандык ишкерлер үч жыл бою Германияда стажировкадан өтө алышат.

Программаны улантуу боюнча биргелешкен декларацияга 30-ноябрда Бишкекте КР Экономика жана коммерция министринин орун басары Канатбек Абдрахманов менен Германиянын Экономика жана климатты коргоо федералдык министрлигинин өкүлү Хайнц Хетмайер кол коюшту. Бул тууралуу Кыргызстандын Соода-өнөр жай палатасынан билдиришти.

Программанын аркасында ата мекендик ишкерлер Германияда стажировкадан өтүүгө жана өндүрүш жана өнөр жайдагы алдыңкы европалык тажрыйбаны өздөштүрүү, ошондой эле Кыргызстанда биргелешкен долбоорлорду ишке ашыруу үчүн уникалдуу мүмкүнчүлүк алышат.

2022-жылдан баштап окууну онлайн жана аралыктан өтүү мүмкүн болуп баштаган. Германияда болуу эки жумага кыскартылып, дагы алты жума катышуучулар немис компаниялары менен бизнес түзүүгө онлайн режиминде даярданышат.

«Fit for Partnership with Germany» программасы аркылуу башкаруучу кадрларды даярдоо боюнча өкмөттөр аралык макулдашууга 2007-жылы кол коюлган. Анын алкагында жыл сайын кыргызстандык ишкерлер Германияда стажировкадан өтүшөт. Долбоор Германиянын Экономика жана климатты коргоо министрлиги тарабынан каржыланат. Каржылык чыгымдардын 90%ын немис тарап көтөрөт.

Мындан тышкары окуңуз

Садыр Жапаров Араван районунун өнүгүү долбоорлору менен таанышты

Президент Садыр Жапаров 11-апрелде Ош облусуна болгон иш сапарынын алкагында Араван районуна барып, аймакты өнүктүрүү боюнча пландар менен таанышты. Бул тууралуу Президенттин басма сөз кызматынан кабарлашты. Араван районунун акими Данияр Эркимбаев мамлекет башчысына акыркы жылдары аткарылган иштер жана келечектеги долбоорлор тууралуу маалымат берди. Анын айтымында, 2021–2025-жылдары жол тармагына 954

Бишкекте коомдук тартипти камсыздоо күчөтүлдү

Бишкек шаарынын ИИББгы дем алыш күндөрү жарандардын коомдук тартибин жана коопсуздугун камсыздоо күчөтүлдү. Бул тууралуу Бишкек шаарынын ИИББнан кабарлашты. билдирүүгө караганда, өзгөчө көңүл укук бузуулардын алдын алууга, жарандардын кайрылууларына ыкчам жооп кайтарууга, ошондой эле кыраакылыкты жогорулатууга бурулмакчы. Ага ылайык, сейил бактарда жана адамдар көп чогулган жайларда кызмат өтөөгө өзгөчө көңүл

Улуттук банк менен ИИМ алдамчылыкка каршы күрөшүү боюнча жолугушуу өткөрдү

Кыргыз Республикасынын Улуттук банкы ИИМдин Кылмыш иликтөө башкы башкармалыгы менен биргеликте 10-апрелде финансылык алдамчылыкка каршы күрөшүү маселелери боюнча блогерлер жана ЖМК өкүлдөрү менен жолугушуу өткөрдү. Иш-чаранын жүрүшүндө мобилдик байланыш жана интернет аркылуу жасалган алдамчылык схемалары тууралуу кеңири маалымат берилди. Айрыкча “дропперлик” — жарандардын банктык карталарын жана жеке маалыматтарын үчүнчү жактарга берүү

Ошто экс-мэр М.Мырзакматовдун мыйзамсыз жерлери тууралуу маселе коюлду

Ош шаарынын мурдагы мэри Мелис Мырзакматов мыйзамсыз алган делген жерлерге байланыштуу иш учурда Ош шаардык сотунда каралууда. Бул тууралуу Жогорку соттун төрагасынын жарандык иштер боюнча орун басары Шералы Камчыбеков 10-апрелде Ош шаарында президент Садыр Жапаровдун эл менен жолугушуусунда билдирди. Мунун алдында Шаардык кеңештин депутаты Бекболот Арзибаев мамлекет башчы менен жолугушууда