Которулган акчанын комиссиясын жөнөтүүчү адам гана төлөйт - Улуттук банк
Бүгүн, 29-декабрда Жогорку Кеңештин жыйынында Улуттук банктын төрагасынын орун басары Кайып Куленбеков депутаттардын бир катар суроолоруна жооп берди.
Жыйында Тазабек Икрамов эмнеге чет элден картага акча доллар менен которулса, бул жактан алып жатканда кайра дагы комиссия төлөнөрү жөнүндө маселени козгоду.
“Жиберген акчанын комиссиясын жөнөтүүчү төлөйт. Ал эми картадан картага которгондо ала турган адам комиссия төлөйт, тагыраак айтканда, бул жактан банкоматтан чечип жатканда төлөнөт”, – деди башкы банктын өкүлү.
