Улуттук банктын отчетуна ылайык, 2022-жылдын январь-ноябрь айларында Түркияга 185 млн доллар которулган. Ал эми өткөн жылы болсо ушул мезгилде бул өлкөгө акча которуулар болгону 7.5 млн долларды түзгөн болчу.

Баарынан да отчеттук мезгилде эң көп акча Кыргызстандан Россияга жөнөтүлгөн — 2021-жылы 483 млн доллар которулган болсо, 2022-жылы ал 860 млн долларга жеткен.

Жалпысынан Кыргызстандан 1 млрд доллардан ашык акча которулса, кайра өлкөгө 2.7 млрд доллардан ашык каражат келген.