Эми мамлекеттик ипотеканы пенсиялык топтоолордун эсебинен төлөөгө болот

Өкмөт Мамлекеттик ипотекалык компаниядан (МИК) насыя алган кыргызстандыктарга пенсиялык топтоо каражаттарынын эсебинен ипотекалык насыясын төлөөгө уруксат берди.

Мындай маалымат өзгөртүүлөр киргизилип жаткан «КРнын Социалдык фонду тарабынан Мамлекеттик пенсиялык топтоо фондунун пенсиялык топтолгон каражаттарын төлөп берүү эрежеси жөнүндө» токтомунда минкабдын сайтында жарыяланды.

Эң аз сумма 50 миң сомду түзүп жана ипотекалык насыянын калдыгынан ашпаш керек.

Ал токтомдо кайсы учурда жана кимдерге берилери айтылат:

• Ипотекалык кредит алып жаткан же алган, ошондой эле «МИК» ААК тарабынан каржыланган мамлекеттик турак жай программасынын катышуучулары үчүн кийин сатып алуу менен турак жайды ижаралоо келишими боюнча төлөмдөрдү төлөгөн адамдарга, алардын жубайларына беш жүз эсептик көрсөткүчтөн (50 миң сом) кем эмес жана ипотекалык кредиттин калдыгынын суммасынан ашпаган суммада
• Ипотекалык кредит алып жаткан же алган, ошондой эле «МИК» ААК тарабынан каржыланган мамлекеттик турак жай программасынын катышуучулары үчүн кийин сатып алуу менен турак жайды ижаралоо келишими боюнча төлөмдөрдү төлөгөн адамга, ошондой эле жубайына бир жолу, эгерде ар биринин пенсиялык топтоолорунун суммасы кайрылган учурда өз өзүнчө беш жүз эсептик көрсөткүчтөн кем болбосо жана ипотекалык кредиттин калдыгынын суммасынан ашпаса
• «КРнын Социалдык фондуна караштуу Мамлекеттик топтолуучу пенсиялык фонду» мекемеси камсыздандырылган адамдын, ошондой эле анын жубайынын пенсиялык топтоо каражаттарын (пенсиянын топтоо бөлүгүн) төлөө жөнүндө чечимди алгандан кийин пенсиялык топтоо каражаттарын (пенсиянын топтоо бөлүгүн) банктын ырастоосунда көрсөтүлгөн банк эсебине которот.