ЕАЭБ өлкөлөрүнүн логистикалык компанияларына Россиянын ичиндеги пункттар арасында жүк ташууга уруксат берилди. Документке Россиянын президенти Владимир Путин кол койгонун ТАСС билдирди.

Берилген маалыматка караганда, транспорттук компаниялар жүк ташуу менен гана алектене алат, жүргүнчүлөрдү ташууга тыюу салынган.

Нормалар экономикалык интеграцияны тереңдетүү үчүн ЕАЭБге мүчө мамлекеттердин аймагында транспорттук кызмат көрсөтүүлөрдүн бирдиктүү рыногун этап-этабы менен калыптандырууга багытталган.

Мыйзам 2025-жылдын 1-мартынан тартып күчүнө кирет.