Sign in Subscribe

Кыргызстанда немис заводдорун ачуу жана кыргызстандыктарды Германияда ишке орноштуруу маселеси Мюнхенде талкууланды

Бактынур Абдиева

— 1 min read

Инвестициялык агенттиктин директору Умбриэль Темиралиев Германияга болгон иш сапарынын алкагында Бавария федералдык мамлекетинин административдик борбору Мюнхен шаарынын бийлик өкүлдөрү менен жолугушту. Бул тууралуу аталган башкармалыктын басма сөз кызматы билдирди.

Маалыматка ылайык, Мюнхен жана Жогорку Бавариянын Соода-өнөр жай палатасынын аткаруучу директору, Бавариянын Азык-түлүк, айыл чарба жана токой чарба министрлигинин департаментинин директору жана Экономика, жер иштетүү жана энергетика министрлигинин интернационализация, жайгаштыруу саясаты жана инвестициялар департаментинин директору менен сүйлөшүүлөр болуп өттү.

Негизги маселелер катары немис компанияларынын кыргызстандык адистердин квалификациясын жогорулатууга жана адистештирилген окуу программаларына катыштырып, андан ары жумушка орноштуруу боюнча Кыргызстан менен Бавария федералдык жергесинин ортосундагы экономикалык кызматташтыкты өнүктүрүүнүн учурдагы багыттары талкууланды.

Ошондой эле Кыргызстанда жеңилдетилген тарифтерди берип, айыл чарба техникасын өндүргөн Германиянын көрүнүктүү заводдорунун запастык бөлүктөрүн жана тетиктерин өндүрүүнү жайгаштыруу тууралуу сөз болду.

Талкуунун башка темалары төмөнкүлөр болду:

  • Ата мекендик органикалык айыл чарба продукциясын (мөмө-жемиштер, кургатылган жемиштер, топоздун эти) Европа Биримдигине, анын ичинде Германияга экспорттоону уюштуруу.
  • 2023-жылдын апрель айында Мюнхен шаарында Кыргыз-герман ишкерлер кеңешинин экинчи жыйынын өткөрүү жана Бавариянын Экономика, жер иштетүү жана энергетика министрлигинин статс-катчысы Роланд Вайгерттин 2023-жылдын июль айында Бавариянын ишкерлери менен бирге Кыргызстанга иш сапары.

Жолугушуунун жыйынтыгында эки тарап кызматташтыкты өнүктүрүү жана Бавария федералдык жергеси менен ар түрдүү багыттар боюнча узак мөөнөттүү кызматташуу стратегиясын иштеп чыгуу зарылчылыгы боюнча бир түшүнүккө келишкенин Инвестиция агенттиги билдирди.

Read more

Талас облусунда таштандыларды сорттоочу ишкана ачылды. Долбоорду «Альянс Алтын» компаниясы колдоду

Талас облусунда таштандыларды сорттоочу ишкана ачылды. Долбоорду «Альянс Алтын» компаниясы колдоду

Талас облусунун Шумкар-Уя айыл өкмөтүндө таштандыларды сорттоочу ишкана ачылды. Бул тууралуу Талас облусундагы президенттин ыйгарым укуктуу өкүлдүн аппаратынан билдиришти. Шумкар-Уя айыл өкмөтүнүн аймагында аянты 1,5 гектарды түзгөн «Шумкар» ишканасы курулган. Жергиликтүү бийлик ишкана аймактагы экологиялык абалды жакшыртууга жардам берип, күнүнө 10-15 тонна таштандыны кайра иштетет деген ишенимде. Айыл өкмөтүнүн
«Альянс Алтын» мамлекеттик бюджетке салык төлөмдөрү боюнча рекорд койду

«Альянс Алтын» мамлекеттик бюджетке салык төлөмдөрү боюнча рекорд койду

«Альянс Алтын» компаниясы 2024-жылдын башынан бери 7.48 млрд сом төлөп, мамлекеттик бюджетке салык төлөмдөрү боюнча жаңы рекорд койду. Бул тууралуу компаниянын басма сөз кызматы билдирди. Тоо-кен компаниясында белгиленгендей, 2023-жылы «Альянс Алтын» рекорддук көрсөткүчтү 4,4 тонна алтын өндүргөн, бул өткөн жылдардагы көрсөткүчтөрдөн бир топ жогору. Ошол эле учурда салык
Жыл башынан бери «Альянс Алтындын» салык төлөмдөрү 6.2 млрд сомду түздү

Жыл башынан бери «Альянс Алтындын» салык төлөмдөрү 6.2 млрд сомду түздү

2024-жылдын январь-сентябрь айларында Жерүй кенин иштетип жаткан «Альянс Алтын» кен казуучу компаниясы бюджетти дээрлик 6.2 млрд сомго толуктаган. Сентябрь айында салык төлөмдөрү 767 млн сомдон ашты. Бул тууралуу компания Economist.kgге билдирди. «Альянс Алтын» белгилегендей, алтынды сатуудан түшкөн салык отчеттук мезгилде дээрлик 5 млрд сомго жеткен. Ал эми сентябрь
«Альянс Алтын» компаниясы Кыргызстандагы ТОП-5 мыкты ишканалардын катарына кирди

«Альянс Алтын» компаниясы Кыргызстандагы ТОП-5 мыкты ишканалардын катарына кирди

«Альянс Алтын» тоо-кен казуучу компаниясы Кыргызстандагы ТОП-5 мыкты ишканалардын катарына кирди. Рейтинг Улуттук статистика комитетинин расмий сайтында жарыяланды. Мекеменин маалыматы боюнча, ишкана престиждүү республикалык көрсөткүчтө төртүнчү орунду ээлеген. «Альянс Алтын» белгилегендей, бул жетишкендик компаниянын тоо-кен тармагын өнүктүрүүгө умтулуусу жана өлкөнүн экономикасына жигердүү салымынын аркасында мүмкүн болду.