Ош - Баткен - Раззаков жолунунун реконструкциялоо иши жазында башталат
Ноокат районундагы Ош – Баткен – Раззаков жолунунун реконструкциялоо иши жаз айларында башталат. Бул тууралуу Транспорт министрлигинин маалымат кызматы билдирди.
Транспорт жана коммуникациялар министри Тилек Текебаев, президенттин Ош облусундагы ыйгарым укуктуу өкүлү Зиядин Жамалдинов жол тармагындагы тиешелүү адистери менен жолугушуп, Ноокат районундагы Ош – Баткен – Раззаков жолунун 28 -75 чакырымындагы жолдун курулуш долбоорун ишке ашыруу алкагында пландар, сунуштар, көйгөйлөрүн талкуулаган.
“Негизинен куруу иштери этап-этабы менен жүрүшү маалымдалды, учурда долбоорлоо жумуштары жүрүп жатат. Ошондой эле министр стратегиялык мааниге ээ жолдун куруу иштери сапаттуу жана эл аралык талаптарга жооп бериши керектигин белгиледи”, – деп айтылат маалыматта.
