Казакстан күйүүчү майды экспорттоого тыюу салды
Казакстан күйүүчү майды бардык транспорттун түрлөрү менен экспорттоого тыюу салды. Бул тууралуу Zakon.kz. Энергетика жана Экономика министрликтеринин биргелешкен буйруктарына шилтеме берүү менен билдирди.
Басылманын билдиришинче, тыюу расмий жарыялангандан 10 күндөн кийин күчүнө кирет жана төрт айга, башкача айтканда, 2023-жылдын жай айына чейин күчүндө болот. Тыюу салууга талаа жумуштары маалында ички рынокту күйүүчү май менен камсыз кылуу зарылчылыгы себеп болгон.
Чектөө бензинге, дизелдик отунга жана мунай продуктуларынын айрым түрлөрүнө (майлоочу майлардан, кошумчаларды тандоо боюнча илимий-изилдөө иштери үчүн авиациялык отундан жана башка бир катар беренелерден тышкары) тиешелүү.
Айдоочуларга багын толтуруп куюга жана канистрде 20 литрден ашпаган запас алууга уруксат берилет.
Энергетика министрлиги мындай кадамын чек ара аймактарында транзиттик унаалардын айдоочуларынын күйүүчү-майлоочу майга болгон суроо-талаптын жогору болушу жана ички тартыштыктан кооптонуу менен түшүндүрдү. Казакстанда бензиндин жана дизелдик отундун чекене баасы коңшу өлкөлөргө караганда төмөн.
Казакстан чет элдиктер үчүн күйүүчү майды кымбаттатат – баасы 80 сомго чейин көтөрүлөт
Бишкекте бензин дээрлик 5 сомго арзандады — Монополияга каршы кызматы
Бензин кымбаттайт, Россия бажы алымысыз берчү көлөмдү азайтты — Нетфтетрейдерлер
