Кыргызстанда акыркы элүү жылда мөңгүлөрдүн 20-30%га жакыны эрип кетти
Кыргызстанда акыркы жарым кылымда мөңгүлөрдүн 20-30%га жакыны эрип кетти, ал эми ушул кылымдын аягында илимпоздордун терс сценарийине ылайык, 80%га чейин жоготуу коркунучу бар. Бул тууралуу минкабдын төрагасы Дубай шаарында өткөн 9-Дүйнөлүк өкмөттүк саммитинин алкагында (WGS) “Келечекке багытталган тездетүүчү жана шыктандыруучу диалогдор” панелдик сессиясында сүйлөгөн сөзүндө айтты.
Жапаров ошондой эле бүгүн дүйнө эли өтө кейиштүү окуялар менен коштолгон климаттын өзгөрүшүн баштан кечирип жатканын, буга байланыштуу 21-кылымдын өкмөттөрү неоэкономикага өтүп жатышканын белгиледи.
“Мөңгүлөрдү сактоонун негизги факторлорунун бири – бул тоо токойлорунун аянтын көбөйтүү болуп саналат.
БУУнун Башкы Ассамблеясы резолюция кабыл алып, 2023-2027-жылдары “Тоолуу аймактарды өнүктүрүү боюнча иш-аракеттердин беш жылдыгы” деп жарыялаган, анын алкагында Кыргызстан өзүнүн “Жашыл мурас” кампаниясын дүйнөнүн бардык тоолуу өлкөлөрүнө жайылтууну пландап жатат.
Кыргызстандын өкмөтү креативдүү экономиканы активдүү өнүктүрүүдө, ал дагы 21-кылымдын неоэкономикасынын түркүктөрүнүн бири болуп саналат. Ошентип, жакынкы күндөрү креативдүү индустриялардын паркы түзүлөт, ал өз түрүндө уникалдуу болот, анткени ал креативдүү экономикалык ишмердүүлүктүн дээрлик 100 түрүнө салык салуунун эң ыңгайлуу шарттарын камсыз кылат”, – деди ал.
Жапаров Кыргызстан 2030-жылга карата парник газдарынын эмиссиясын “Адаттагыдай эле бизнес” сценарийи боюнча парник газдарынын эмиссиясынын деңгээлин 15.97%га жана эл аралык колдоонун алдында 43.62%га кыскартууну пландаштырып жатканын да кошумчалады.
