Кепилдик фонду менен Керемет банк кызматташуу боюнча келишимге кол коюшту
Өткөн жума күнү «Кепилдик фонд» ААК менен «Керемет Банк» ААК ортосунда №2 программанын алкагында портфелдик кепилдиктерди берүү боюнча кызматташуу жөнүндө келишимге кол коюлду. Бул тууралуу фонддун маалымат кызматы билдирди.
Келишимдин максаты ишкерлердин милдеттенмелеринин бир бөлүгүн камсыз кылуу үчүн портфелдик кепилдиктерди берүү, ошондой эле «Кепилдик фонд» ААК менен «Керемет Банк» ААК ортосунда кредиттик тобокелдикти бөлүштүрүү болуп саналат.
Келишимдин алкагында тараптар жалпы принциптерди, шарттарды жана Портфелдик Кепилдик Каттоо системасында (ПККС) ылайыктуу каржылоо келишимдерин каттоо механизмин сактоого ниеттенишет.
Каржылоо келишимдерин ПККСда каттоодо “автоматтык” принциби колдонулат, бул белгиленген критерийлерге жооп берген ишкерлер үчүн бардык каржылоо келишимдери автоматтык түрдө системага киргизилиши керек экендигин билдирет.
