Салык кызматы лотереяда 10 батир, 20 электромобиль ойнотот
Салык кызматынын «Чек талап кылып, байге утуп ал!» лотереясында 2376 баалуу байге ойнотулат, анын ичинен 30у башкы байгелер – 10 батир жана 20 электромобиль. Бул тууралуу мекеменин маалымат кызматы билдирди.
Такталгандай, башкы байгелерден тышкары 1 миң даана iPhone 14, 1 миң даана Xiaomi смартфону, Дубайга 6 жолдомо (эки кишилик), 300 ноутбук, 40 даана Dyson стайлери ойнотулмакчы.
Лотереянын байге фонду республикалык бюджеттен бөлүнгөн каражаттардын эсебинен түзүлдү.
2023-жылы 2 утуш өткөрүлөт. Биринчиси 1-июлда, экинчиси 30-декабрда өтөт.
