Салык кызматкерлерин өздөрүн ЭТТК менен иштөөнү үйрөтүлүш керек – ишкерлер
Электрондук товардык-транспорттук коштомо системасы каалаган натыйжасын бербей жатат, анткени аны менен иштөөнү Салык кызматынын кызматкерлери өздөрү билишпейт. Бул тууралуу Economist уюштурган «ЭТТК деген эмне жана бул система боюнча ишти кантип баштоо керек? Салык кызматынын жооптору» деп аталган жолугушууда ишкерлер билдирди.
Алардын айтымында, биринчи кезекте тренингдер бизнес чөйрөсү үчүн эмес, салык органдарынын өздөрү үчүн жүргүзүлүшү керек. Ишкерлер бөлүмдүн инспекторлоруна кеңеш сурап кайрылышат, бирок алар жардам бере алышпайт, анткени кызматкерлер өздөрү ЭТТК системасын түшүнүшпөйт.
«Маселе ЭТТК системасынын айынан бухгалтердик кызматтын баасы кымбаттаганында. Ал эми салык органдары эч кандай жардам бере албайт, анын кандай иштегенин өздөрү да билишпейт. Алардын өздөрүн үйрөтүшүбүз керек», – деп нааразычылыгын билдиришти ишкерлер.
