2023-жылдын 14-апрелинде КР Азербайжандагы элчиси Кайрат Осмоналиев Азербайжандын Мамлекеттик бажы комитетинин төрагасы Шахин Багиров менен жолугушту.

Азербайжандын бажы өкүлү кыргыз тарапты Азербайжандагы кыргызстандык транспорттук компанияларга, жүк ташуучуларга жана ишкерлерге максималдуу түрдө көмөк көрсөтүүгө даяр экенине ишендирди.

Жолугушуунун жүрүшүндө тараптар КР менен Азербайжандын ортосундагы бажы тармагындагы кызматташуунун актуалдуу маселелерин талкуулашты. Азербайжан тарапка Кыргызстандын транзиттик потенциалы жана өлкөдөгү «Санариптик жашыл коридорлорду» тууралуу маалымат берилди.

Эки тараптуу кызматташуунун келишимдик-укуктук базасын кеңейтүү максатында жолугушуунун катышуучулары эки мамлекеттин бажы кызматтарынын ортосундагы өз ара аракеттенүүнүн деңгээлин жогорулатууга даяр экендиктерин ырасташты.

Муну менен катар, тараптар Азербайжандын аймагында Кыргызстандын транспорттук компанияларына жана жүк ташуучуларына жардам көрсөтүү мүмкүнчүлүктөрүн талкуулашты.