Кыргызстанда жаратылышты коргоо боюнча Трасттык фондду түзүү сунушталды
КРда жаратылышты коргоо боюнча Трасттык фондду түзүү боюнча БУУ өнүктүрүү программасы БИОФИН долбоорунун миссиясы менен жолугушуу өттү. Бул тууралуу Финансы министрлиги билдирди.
Такталгандай, 2023-жылдын 25-апрелинде КР Финансы министринин орун басары Руслан Татиков КРда жаратылышты коргоо боюнча Трасттык фондду түзүү боюнча БУУ өнүктүрүү программасы БИОФИН долбоорунун миссиясы менен жолугушуу өткөрдү.
Жолугушуунун максаты түзүлүп жаткан Трасттык фонддун алдын ала концепциясы менен таанышуу болду. Отурумдун жыйынтыгында Татиков БУУнун өнүктүрүү программасы эксперттерине КР боюнча Фонддун уюштуруу структурасынын жана башкаруунун долбоорун даярдоону сунуштады.
Трасттык фондду түзүү идеясы демөөрчүлөрдүн, климаттык фонддордун жана донорлордун каражаттарын, анын ичинде КРнын мамлекеттик тышкы карызын алмашуу боюнча каражаттарды экологиялык долбоорлорго багыттоо болуп саналат.
