Төмөнкү Ала-Арча суу сактагычы толугу менен сууга толтурулду
Чүй облусунун Аламүдүн районунда жайгашкан Төмөнкү Ала-Арча суу сактагычы 100%га суу менен толукталды. Бул тууралуу Айыл чарба министрлиги билдирди.
Такталгандай, суу сактагычтын жалпы узундугу – 3.16 км, максималдуу бийиктиги – 24.5 м.с. түзүп, жалпы 11.1 миң гектар аянтты сугат суу менен камсыз кылат, анын ичинен:
· Аламүдүн району – 2.6 миң га;
· Сокулук – 8,4 миң га.
2023-жылдын 26-апрелине карата суу сактагычтагы суунун көлөмү 51.2 млн.м3 түзүп, жалпы көлөм 100 %га жетти. Курулманын тынымсыз иштеши жана суу пайдалануучуларды сугат суу менен туруктуу камсыз кылуу үчүн кышы менен обьектиде оңдоп-түзөө иштери жүргүзүлгөн.
Бир жума аралыгында Аламүдүн жана Сокулук райондоруна сугат суу бөлүштүрүлө баштайт.
