USAID Бишкекте «Агро Экспортер» эл аралык форумун уюштурат
Бишкекте «Агро Экспортер» форумуна Кыргызстан менен Өзбекстандын 200дөн ашык фермерлери жана ишкерлери катышат. Бул тууралуу АКШнын элчилиги билдирди.
Такталгандай, форумда 200дөн ашык фермерлердин, ишкерлердин жана бизнес-ассоциациялардын өкүлдөрүнүн катышуусунда Кыргызстандын айыл чарба продукциясын экспорттоону илгерилетүү жана Өзбекстандан келген потенциалдуу сатып алуучулар менен түз байланыш түзүү боюнча негизги маселелерди талкуулоо күтүлүүдө.
Бул форум USAIDдин «Агросоода» долбоорунун алкагында уюштурулууда.
Бул долбоор кыргызстандык дыйкандарды жана айыл чарба ишканаларын колдоп, Өзбекстан менен соода байланышын кеңейтүү аркылуу КРда жумуш орундарын көбөйтүүгө багытталган беш жылдык долбоор.
Иш-чарага бардык кызыкдар ЖМК өкүлдөрү чакырылат. Кошумча маалымат алуу үчүн nmakhkamova@kyrgyzagrotrade.com же +996770268337 аркылуу кайрылса болот.
Иш-чара 2023-жылдын 12-майында Бишкектеги Novotel мейманканасында (Манас проспектиси, 16) өтөт. Каттоо саат 9:00дө башталат.
