Эсеп палатасынын кызматкери 100 миң сом пара менен кармалды – УКМК
Эсептөө палатасынын Ысык-Көл жана Нарын облустары боюнча аймактык бөлүмүнүн кызматкери В.Ш. пара менен кармалды. Бул тууралуу УКМК маалымат кызматы маалымдады.
Такталгандай, кызматкер 100 миң сом пара алып жаткан жеринен кармалды. Ал Нарын облусунун Жумгал районундагы Таш-Мойнок а/а мурдагы башчысы А.М.дан ушул ЖӨБ органынын финансылык-чарбалык ишин текшерүү маселесинде оң чечим чыгарып берүү үчүн 160 миң сом өлчөмүндө акча талап кылуу фактысы аныкталган.
Учурда бул кылмышка тиешеси бар бардык адамдарды аныктоо боюнча тергөө-ыкчам иш-чаралары жүргүзүлүүдө.
Кармалган адам Бишкек шаардык 1-тергөө камак жайына киргизилди.
