Быйыл 28 миңдей унаа камсыздандырылып, 50 млн 628 миң сом кенемте төлөнүп берилди

Быйыл 28 миңдей унаа камсыздандырылып, 50 млн 628 миң сом кенемте төлөнүп  берилди

Транспорт каражаттарынын ээлеринин жарандык-укуктук жоопкерчилигин милдеттүү камсыздандыруу (ОСАГО) системасы, анын алкагында төлөнүп жаткан каражаттар жана аймактардагы сандык көрсөткүчтөр тууралуу “Кабар” агенттигине Мамлекеттик камсыздандыруу уюмунун төрагасынын орун басары Закир Айдаралиев маалымат берди.

Анын айтымында, 2026-жылдын башынан 13-мартка чейин 28 миңге жакын айдоочу унаасын камсыздандырып, ОСАГО полисин алган. Бул 1,56%ды түзөт. Бул арада өлкө боюнча 499 унаа зыянга учурап, алардын ээлерине 50 млн 628 миң сом кенемте төлөнүп берилген.
Ал эми 2025-жылы 353 миңге жакын адам өзүнүн жарандык жоопкерчилигин камсыздандырган. Ошондой эле 901 жол кырсыгы катталып, унаа ээлерине 86 млн 238 миң сом кенемте төлөнүп берилген.

Облустарда 2025-жылы төмөндөгүдөй санда унаа камсыздандырылган:

Чүй - 44 миң 827 (11,92%);

Ош – 63 миң 230 (16,76%);

Жалал-Абад - 34 миң 66 (14,85%);

Баткен - 27 миң 192 (25,19%);

Талас - 14 миң 123 (23,75%);

Ысык-Көл – 28 миң 896 (22,36%);

Нарын - 21 миң 760 (38,46%).

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Транспорт

Акыркы жаңылыктар

Баары

Өлкөдө асыл тукум статусуна ээ болгон чарбаларга мониторинг жүргүзүлөт

2027-жылы республикалык бюджеттин көлөмү 1 трлн сомдон ашат

Аңчылыктын аякташына 1 айга жетпеген убакыт калды

Депутаттар Кочкордогу чокуга Ормон хандын ысымын ыйгарууну жактырышты

Өкмөт башчы Жогорку Кеңештин комитетинин жыйынына катышты