Ири өлчөмдөгү мыйзамсыз косметика кармалды
“Ак-Жол” көзөмөл-өткөрүү жайында бетти тарттыруу үчүн мыйзамсыз инъекциялык каражаттардын жана ботокс аналогдорунун партиясы кармалганын Салык кызматымаалымдады.
Ведомство тараткан маалыматта сырттан келген товардын тиешелүү тастыктамалары болгон эмес жана коштомо документтер жасалма экендиги аныкталган.
Алынган жүктүн болжолдуу баасы 1,5 миллион сом экенин айтылууда. Мыйзамсыз жүктү ташыган автоунаа айып короого киргизилип, материалдар бажы органдарына өткөрүп берилгени маалым болду.
