"Бишкек жылуулук тармагы" жаңы техника менен камсыздалды
Бүгүн "Бишкек жылуулук тармагы" ишканасына атайын техникалар тапшырылды. Иш-чара шаардын жылуулук системасынын ишенимдүүлүгүн жана натыйжалуулугун жогорулатууга багытталган атайын долбоорунун алкагында өткөрүлдү.
Бишкек шаарынын мэри Айбек Джунушалиев жаңы шаймандар жылуулук тармагын тейлөөнүн сапатын, коопсуздугун жогорулатып, шаар үчүн кызмат кыла тургандыгын белгиледи. Мэриянын басма сөз кызматынын маалыматына ылайык, бул долбоор Дүйнөлүк банктын – Эл аралык Өнүктүрүү Ассоциациясынын колдоосу менен ишке ашырылууда. Анын жалпы баасы 37,9 миллион доллар болсо, 8 миллион доллары грант катары берилген.
Бүгүнкү күндө ишканага 27 автоунаа жана 33 атайын техника, анын ичинде жүк ташуучу крандар, экскаваторлор, асфальт кесүүчү жана бетон аралаштыргыч жабдуулар, мобилдик генераторлор жана жылуулук тармактарын эффективдүү тейлөөгө зарыл болгон башка жабдуулар бар.
