Быйыл депутаттыкка талапкерлердин саны 3 эсеге кыскарган

Ишкер Media

30 нояб. 2025 10:39

Kaktus.media сайты бардык шайлоо округдары боюнча депутаттыкка талапкерлердин тизмесин иликтеп, 4 жыл мурунку мезгилдеги шайлоого салыштырып азыркы учурдагы талапкерлердин портретин тартып чыкты. Аталган агенттиктин божомолу боюнча мурдагы депутаттар кайра орундарына кайтууга аракет кылып жатышкандыктан депутаттык корпус кардиналдуу түрдө өзгөрбөй да калышы ыктымал.

2020-жылы депутаттар партиялык тизме менен шайланышкан жана эл конкреттүү талапкерге эмес партияга добуш беришкен. Ошол себептен саясий партиялар Жогорку Кеңештеги 120 депутаттын тизмесин партиялардын добушуна жараша түзүшкөн.

2021-жылы шайлоо партиялык тизме жана бир мандаттуу шайлоо округдары боюнча өтүп, депутаттар саны 90го кыскарган. Мында кыргызстандыктар бир мандаттуу шайлоо округдары боюнча шайлоого аттанган конкреттүү депутаттарды, ошондой эле талапкерин чыгарган кайсы бир партияны тандашкан.

2025-жылы шайлоо оюну өзгөрүп шайлоо бир мандаттуу шайлоо округдары боюнча гана жүргүзүлө турган болду. Жарандар Жогорку Кеңештен көргүсү келген конкреттүү бир талапкерлерине добуш беришет.

Бул Kaktus.mediaнын билдиришинче, парламентке баруучуларга олуттуу таасир берген. 2020-жылы октябрда парламентке барууну каалагандар саны 2014 адам болуп, бир депутаттык орунга 17ден адам туура келген. 2021-жылы ноябрда талапкерлер дээрлик эки эсеге кыскарып - 1343ды түзүп, бир депутаттык орунга 15тен адам ат салышкан.

4 жыл ичинде Жогорку Кеңешке барууну каалгандар 3 эсеге кыскарып, 2025-жылдын ноябрь айындагы парламенттик шайлоого 465 талапкер ат салышып, бир орунга 5 адам туура келген.

Мындан тышкары окуңуз

Т. Шайназаров: Кыргызстандын тарыхта биринчи жолу аралыктан добуш берүү системасы колдонулууда

КРнын Борбордук шайлоо комиссиясынын төрагасы Тынчтык Шайназаров өлкө боюнча добуш берүү башталгандыгына байланыштуу УТРКнын түз эфиринде брифингде сүйлөдү. Ал республика боюнча жалпы 2 492 шайлоо участогу, ошондой эле 27 аралыктан добуш берүү участкасы жана чет өлкөдөгү 100 шайлоо участогу өз ишин баштаганын эске салды. «Биздин өлкө тарыхында биринчи жолу алдын

Жогорку Кеңештин депутаттарын мөөнөтүнөн мурда шайлоо башталды

Кыргызстанда Жогорку Кеңештин депутаттарын мөөнөтүнөн мурда шайлоо башталып, саат 08:00дө өлкө аймагы боюнча 2492 шайлоо тилкесинде добуш берүү башталды. Чет мамлекеттерде жарандардын шайлоо укугун камсыздоо максатында 100 шайлоо тилкеси жана өлкө ичинде 27 аралыктан добуш берүү тилкеси иштерин буга чейин БШК маалымдаган. Алардын ичинде аэропорттордо (учуу жана конуу зоналарында)

Атайын шайлоочу жайдан тышкары жерден 9318 адам добуш берди

Кече саат 20:00дө шайлоо участогуна барууга мүмкүнчүлүгү жок жарандар үчүн жайдан тышкары добуш берүү аяктаган. Бул тууралуу Боршайкомдон кабарлашты. Билдирүүгө караганда, өлкө боюнча жалпы 2 492 участкалык шайлоо комиссиянын ичинен 1 332 шайлоо комиссиясына 10 329 арыз келип түшкөн. Анын негизинде, бир күн ичинде, саат 8:00дөн 20:00гө

Кыргызстанда добуш берүүчү жайдан тышкары добуш берүү ѳтүп жатат

Бүгүн, КРнын Жогорку Кенешинин депутаттарын мөөнөтүнөн мурда шайлоодо 30 көп мандаттуу шайлоо округдары боюнча добуш берүүчү жайдан тышкары добуш берүү өтүүдө. Бул тууралуу БШК расмий баракчасында билдирген. Жалпысынан өлкө боюнча 2 492 участкалык шайлоо комиссиянын ичинен 1 324 шайлоо комиссиясына 10 329 арыз келип түшкөн. Алардин ичинде жаш курагы, майыптыгы,