Кыргызстан, Өзбекстан компанияларынын ортосунда 500 миң долларлык келишим түзүлдү
Ташкент шаарында Кыргызстандын Соода өкүлчүлүгүнүн көмөгү менен ата мекендик "Алайку Органикс" ЖЧКсы жана өзбекстандык Alaiku ЖЧКсы фирмасынын ортосунда 500 миң долларлык экспорттук келишим түзүлдү.
Эки өлкөнүн бизнес өкүлдөрүнүн ортосунда түзүлгөн мындай келишимдер мамлекеттердин соода-экономикалык кызматташтыгын өнүктүрүүдө маанилүү кадам болуп саналат.
Буга чейин Кыргызстандын Соода өкүлчүлүгү компаниянын продукциясын Өзбекстан рыногуна чыгаруу боюнча кеңири иштерди жүргүзгөн. Бул иштердин алкагында:
- Өзбекстандын аймагында юридикалык жак ачууга жардам көрсөтүлгөн;
- жергиликтүү рынокко талдоо жүргүзүлгөн;
- кампа жайларын издөө иштери уюштурулган;
- ошондой эле Өзбекстандын мамлекеттик органдары менен иштешүү боюнча консультациялар берилген.
Мындан тышкары, өкүлчүлүк Өзбекстандын ири супермаркет тармактары менен жумушчу жолугушууларды уюштуруп, кыргыз продукциясын жеткирүү мүмкүнчүлүктөрүн талкуулаган.
