Кыргызстанда 8,9,10-декабрда аба ырайы кескин сууктайт
Кыргызгидромет өлкө аймагында 8, 9 жана 10-декабрь күндөрү аба ырайы кескин түрдө начарлай турганын эскертти. Маалыматка ылайык, бул күндөрү мезгил-мезгили менен кар жаайт. Айрым жерлерде кар коп жаашы мүмкүн. Кээ бир аймактарда туман түшөт.
Батыштан соккон шамалдын ылдамдыгы айрым райондордо секундасына 15–20 метрге, Ысык-Көлдүн акваториясында 19–24 метрге чейин жетет. Жолдордо тайгак болот. Тоолуу аймактарда кар көчкү жана борошо жаралышы мүмкүн.
Аба температурасы кескин төмөндөйт:
- Чүй өрөөнүндө түнкүсүн −12…−17°, күндүз −4…−9° суук;
- Талас өрөөнүндө түнкүсүн −12…−17°, күндүз −4…−9° суук;
- Ош, Жалал-Абад, Баткен облустарында түнкүсүн −4…−9°, күндүз −4…+1°;
- Ысык-Көл облусунда түнкүсүн −12…−17°, күндүз −5…−10°;
- Нарын облусунда (айдоо зонасында) түнкүсүн −18…−23°, күндүз −6…−11°;
- Республиканын тоо этектеринде түнкүсүн −14…−19°, күндүз −5…−10°;
- Тоолуу райондордо түнкүсүн −17…−22°, күндүз −7…−12°;
- Суусамыр өрөөнүндө жана бийик тоолуу аймактарда түнкүсүн −28…−33°, күндүз −10…−15°.
