Кең-Сай конушу таза суу менен камсыз болду
Ош шаарынын Кең-Сай массивине ичүүчү таза суу чыгарылганы тууралуу муниципалитеттен "Кабар" агенттигине билдиришкен.
Маалыматта Ош шаарынын Кең-Сай конушунун тургундарын таза суу менен туруктуу камсыз кылуу максатында ири масштабдагы инфраструктуралык долбоор ишке ашырылганы айтылат. Анын алкагында насос станциялары курулуп, суу түтүктөрү тартылып жана жаңы суу кампасы курулган.
Ак-Тилек айланма жолунун аймагында саатына 300 куб метр суу берүүчү заманбап 1-насос станциясы курулду. Ош-Ноокат жолунун 6-чакырымында 2-насос станциясы курулуп, ал да саатына 300 куб метр көлөмдө суу жеткирүүгө мүмкүнчүлүк берет.
Эки насос станциясы автоматташтырылып, “акылдуу насос” системасы аркылуу иштейт.
