Чет өлкөлүк унаалар 10 күндө катталбаса 20 миң айып пул салынат
Чет өлкөдөн алынып келген унаалар Кыргызстанга киргенден кийин 10 күндүн ичинде каттоого турууга тийиш экенин Жол кыймылынын коопсуздугун камсыздоо башкы башкармалыгы эскертти.
Ведомствонун маалыматына ылайык, эгер каттоо мөөнөтү өтүп кетсе, унаа айып короо жайына киргизилип, тиешелүү айып салынат.
"Ошондой эле эгер унаанын терезелери ал өлкөдө караңгылатылган болсо, биздин өлкөдө аны колдонууга уруксат албай туруп, айдоого болбойт. Болбосо 20 миң сом айып салуу каралган", – деп айтылат маалыматта.
