Россия квалификациялуу жумушчулардын келишине кызыкдар
Россия квалификациялуу жумушчулардын келишине кызыкдар экенин Бишкекте өткөн брифингде Россия Федерациясынын Кыргызстандагы Атайын жана Ыйгарым укуктуу элчиси Сергей Вакунов билдирди.
Анын айтымында, Россия эмгек мигранттары өлкөгө мыйзамдуу негизде келип, иштеп, тапкан каражаттарын мекенине которуп турушуна кызыкдар.
Элчи учурда эмгек мигранттарын санариптик каттоого алуу системасына өтүү жүрүп жатканын белгиледи.
"Россияда иштөөнү пландаган кыргызстандыктар үчүн негизги талап — мыйзамдарды жана эрежелерди сактоо, ошондой эле өлкөдө болууга жана иштөөгө мыйзамдуу негиздин, башкача айтканда, жумуш орду тууралуу келишимдин болушу. Артыкчылыктардын бири — Кыргызстандын жарандарына Россияда ишке орношуу үчүн патент алуунун кереги жок", — деди дипломат.
