Кыргызстанда 232 чарбага асыл тукум чарба макамы берилди
Кыргызстанда 232 чарба субъектине асыл тукум чарба макамы ыйгарылганын Суу ресурстары, айыл чарба жана кайра иштетүү өнөр жайы министрлиги маалымдады.
Маалыматка ылайык, мал чарбачылыгынын сапатын жогорулатуу жана генетикалык ресурстарды сактоо максатында ведомство атайын комиссия түзүп, чарба субъекттерине жеринде мониторинг жүргүзгөн.
Анын жыйынтыгында 232 чарбага асыл тукум макамы берилди. Анын ичинде:
- ири мүйүздүү мал — 84,
- жылкы чарбачылыгы — 40,
- кой чарбачылыгы — 97,
- эчки чарбачылыгы — 5,
- канаттуулар — 4,
- аарычылык — 4,
- топоз чарбачылыгы — 3 субъект.
Бул чаралар малдын сапатын жана өндүрүмдүүлүгүн жогорулатууга, ошондой эле мал чарбачылыгын туруктуу өнүктүрүүгө багытталган.
