Кыргызстандын балдары үчүн бизнес биригүүдө
ЮНИСЕФ Кыргызстан балдар үчүн бизнес боюнча консультативдик кеңештин биринчи жыйынын өткөрдү, ага өлкөдөгү ар бир баланын укуктарын жана бакубаттуулугун коргоого умтулган алдыңкы компаниялар катышты.
ЮНИСЕФтин өкүлү Самман Тапа төрагалык кылган Кеңештин жыйынында анын Уставы расмий түрдө бекитилип, эки негизги артыкчылыктын айланасында күч-аракеттер бириктирилди.
Анын бири майыптыгы бар балдар үчүн инклюзивдүүлүктү өнүктүрүү жана мүмкүнчүлүктөрдү кеңейтүү, экинчиси үй-бүлөгө ыңгайлуу жумуш чөйрөсүн түзүү. Кеңештин мүчөлөрү активдүү түрдө идеялар менен алмашып, бул артыкчылыктарды алга жылдыруунун конкреттүү жолдорун сунушташты.
Келечекте өнөктөштөр биргелешип 2026-2027-жылдарга Кеңештин иш планын, анын ичинде биргелешкен конкреттүү иш-аракеттерди иштеп чыгышмакчы.
