Кыргызстандагы инфляция 9 айда 7,1%ды түздү
Улуттук статистика комитетинин маалыматы боюнча, январь-октябрь айларында Кыргызстандагы инфляция 7,1%ды түзгөн.
Ведомстводон билдиришкендей, калкка көрсөтүлгөн кызмат көрсөтүүлөрдө баалардын эң чоң өсүшү 8,9%ды түзгөн. Азык-түлүк жана алкоголсуз суусундуктардын баалары 7,4%га, алкоголдук ичимдиктерге жана тамекиге 6,7%га, ал эми азык-түлүк эмес товарларга 5,6%га өскөн.
Керектөө бааларынын жана тарифтердин өсүшү өлкөнүн бардык аймактарында байкалган.
Мисалы, Ош шаарында эң чоң өсүш 9 пайыз, негизинен алкоголдук ичимдиктердин жана тамеки буюмдарынын бааларынын 12,1%га өсүшүнө байланыштуу катталган.
Азык-түлүк жана алкоголсуз суусундуктардын бааларынын эң чоң өсүшү Чүй облусунда– 10,5%, азык-түлүк эмес товарларга Баткен облусунда – 8,1% жана кызмат көрсөтүүлөрдө – 10,4%га өсүш болгон.
