"Берекет Банк" Улуттук банктын банк операцияларын жүргүзүү лицензиясын алды
Улуттук банктын 2025-жылдын 3-декабрындагы чечими менен “Берекет Банкка” улуттук жана чет өлкө валютасында банк операцияларын жүргүзүү укугуна ээ кылуучу лицензия берилгенин Улуттук банктан кабарлашты.
Эске салсак, үстүбүздөгү жылдын октябрь айында Улуттук банк “Берекет Банк” ЖАКын түзүүгө уруксат берген. Ал эми өлкө башчы Садыр Жапаров “Кабар” маалымат агенттигине берген маалыматында, анын кичүү уулу Нурдөөлөт Нургожоев жана Жогорку Кеңештин мурдагы төрагасы Марат Султанов жаңы “Берекет Банкты” негиздегендигин билдирген.
