Садыр Жапаров инвесторлорду өзүм коргойм деп убада берди
Асман шаарынын курулушун баштоо аземинде президент Садыр Жапаров инвесторлорго кайрылды.
Президент мамлекеттин берген кепилдиги менен эч тынчсызданбай, бир гана ушул долбоорду ишке ашырууга максат коюп, курулуш иштерин ыкчам баштоого чакырды.
«Мамлекеттик органдар болобу, күч түзүмдөрү же терс элементтер болобу, келип болбогон шылтоо таап опузалап, кандайдыр бир иштерине тоскоолдук кылып акча талап кылуусуна биз жол бербейбиз. Ошол эле учурда жергиликтүү бийликтен же эл ичинен мыйзамсыз аракеттер менен тоскоолдук кылбайт деп убада беребиз. Кимде ким тоскоолдук жаратса, аны менен өзүм эсептешем. Инвесторлорго карата андай иштердин чети эле билинсе мыйзамсыз иш аракеттерге баргандар катуу жазаланат», — деди Жапаров.
Садыр Жапаров кайрылуусунан кийин курулушка капсула салды.
