Кыргызстандын эки тик учагын Беларусь менен Өзбекстан оңдоп беришти
![Кыргызстандын эки тик учагын Беларусь менен Өзбекстан оңдоп беришти](/content/images/size/w1200/2023/10/392931165_2529764207198493_8486053930088095318_n.jpg)
Кыргызстандын эки тик учагын Беларусь менен Өзбекстан оңдоп беришти. Бул тууралуу президент Садыр Жапаров соцтармактар аркылуу билдирди.
Анын айтымында, 2016-жылы Россиянын тарабынан МИ-8МТВ-1 тик учагы берилген. Учак 6 жылдан бери пайдаланылбай турган. Беларусь менен сүйлөшүүлөрдү жүргүзүп, МИ-8МТВ-1 тик учак ал жактан толук бойдон капиталдык ремонттон өттү.
“2021-жылы эки өлкөнүн президенттеринин жетишилген макулдашуусуна ылайык, боордош Өзбекстан Кыргызстанга кайтарымсыз гуманитардык жардам катары берген МИ-8МТВ тик учагын биздин абадан коргонуу күч органынын адистери кабыл алган.
Андан соң Кыргызстандын аскер тик учактар паркында дал ушундай тик учактардын бирин Өзбекстандын “Чирчик авиациялык оңдоп-түзөө заводу” мамлекеттик ишканасына толук капиталдык ремонттон өткөрүүгө берилген”, - деп жазды президент.
Ремонт иштерин гуманитардык негизде Өзбекстандын Коргоо министрлиги толугу менен моюнуна алган.
![](https://im.kg/content/images/2023/10/391686629_2529764217198492_7726665062542564858_n.jpg)
![](https://im.kg/content/images/2023/10/391694000_2529764223865158_8262961325053830745_n.jpg)
![](https://im.kg/content/images/2023/10/391696760_2530349943806586_8362672378947250689_n.jpg)
![](https://im.kg/content/images/2023/10/391713095_2530349897139924_4240618220447954788_n.jpg)
![](https://im.kg/content/images/2023/10/392931165_2529764207198493_8486053930088095318_n-1.jpg)
![](https://im.kg/content/images/2023/10/392940265_2530349893806591_5345960971084649249_n.jpg)