Караколдогу «Бугу» жана «Макиш» соода базарларынын ээси кармалды
Караколдогу «Бугу» жана «Макиш» соода базарынын ээси Р.А.Т. кармалды. Бул тууралуу УКМК билдирди.
Кармалган Р.А.Т. узак мезгил аралыгында көрсөтүлгөн соода базарларда иш жүргүзгөн ишкерлерден акча каражаттарын чогултуп, ошону менен бирге алынган пайданын жалпы реалдуу жүгүртүлүшүн фискалдык органдардан жашырып келгендиги аныкталган.
Тиешелүү иш-чаралардын жүрүшүндө каржылык ишмердүүлүктө көптөгөн мыйзам бузуулар такталып, анын натыйжасында мамлекетке келтирилген зыяндын ордун толтуруу максатында ыктыярдуу турдө Каракол шаарынын мэриясынын балансына, аянты 1.14 гектар, наркы 233 млн сомдон ашык «Бугу» жана «Макиш» соода базарлары өткөрүлүп берилди.
