Президент KGST стейблкоинин түзүү жана ишке киргизүү тапшырмасын берди

Бүгүн Бишкекте Президент Садыр Жапаровдун жана Binance криптовалюталык платформасынын негиздөөчүсү Чанпэн Чжаонун катышуусунда Виртуалдык активдер жана блокчейн-технология тармагын өнүктүрүү улуттук кеңешинин жыйыны  болуп өттү. 

Жыйын аягында өлкө башчысы тиешелүү мамлеккеттик органдарга бир катар тапшырмаларды берди:

• Экономика жана коммерция министрлигине – виртуалдык активдер жөнүндө мыйзамдык базаны жакшыртуу боюнча ишти улантуу;
•  Илим, жогорку билим жана инновациялар министрлигине – санариптик жана финансылык сабаттуулукту жогорулатуу боюнча сунуштарды киргизүү жана жасалма интеллект тармагында адистерди жана блокчейн-технологияларды даярдоо; 

• УКМК, ИИМ жана башка профилдик маморгандарга – ведомстволор аралык консультацияларды өткөрүү жана бирдиктүү коопсуздук жана тобокелчиликтерди башкаруу стандарттарын иштеп чыгуу үчүн конкреттүү чечимдерди кабыл алуу;
• Виртуалдык активдерди жана блокчейн-технологиялар тармагын өнүктүрүү боюнча улуттук кеңешинин катчылыгына – KGST стейблкоинин киргизүүнү камсыздап эл аралык платмормаларда аны листинг кылуу маселесин иштеп чыгуу; эки айлык мөөнөттө мамлекеттик криптовалюталык резерв түзүү боюнча сунуштарды киргизүү;
• Улуттук банкка – пилоттук режимде санарип сом платформасын тестирлөөгө киришүү