Жогорку Кеңешке өткөн депутаттардын эң улуусу 69, эң кичүүсү 25 жашта
Кыргызстан парламентине өткөн 90 депутаттын болжолдуу түзүлгөн тизмеси боюнча VIII чакырылыштагы депуттардын эң улуусу 69 жаштагы Гүлай Машрапова болду. Ал 1956-жылы Кара-Суу районунун Большевик айылында жарык дүйнөгө келген.
Мурда Кара-Суу райондук билим берүү бөлүмүндө эмгектенген Г. Машрапова БШКга пенсионер катары арыз таштаган.
Жогорку Кеңеш регламентинин 8-беренесинин 2-пункту боюнча ЖК төрагасы шайлангыча парламенттин биринчи отурумун эң улуу депутат ачат.
Ошондой эле бул жолку шайлоодо эң жаш депутат 2000-жылы төрөлүп, акыркы жолу Башкы прокуратурада иштеген, 25 жаштагы Бекмырза Чолпонбай уулу болуп калды.
Эске салсак, парламенттик шайлооныны жыйынтыгы 14-декабрда расмий жарыяланат.
