Бүгүн РФ президенти В.Путин менен түз эфир уюуштурулат
РФ Президенти В.Путин бүгүн, Москва убактысы боюнча саат 12:00дө пресс-конференция менен түз эфирди бириктирген ири иш-чарага катышат. Бул иш-чарага жергиликтүү жана чет өлкөлүк ЖМК өкүлдөрү катышат.
Журналисттерди өлкө башчы менен жолугууга чейин Ак үйгө бир нече саат мурда келиши каралган жана федералдык телеканалдар бул иш-чарага үч саат убакыт бөлүшкөн.
Ura.ru маалымат сайтынын билдирүүсүнө караганда, Россия президенти менен өтө турган түз эфирге келген айрым коноктор туздалган капуста, энергетикалык суусундук жана мандариндерди ала келишкен. Бирок бул буюмдар менен алар Ак үйдүн имаратына кире алышкан жок.
Мындан тышкары, иш-чарага катышуучулардын мурунга тамызуучу тамчылары, ар кандай спрейлер, шоколаддар жана суусундуктары да кире бериште калып жатат. Түз эфир аяктагандан кийин журналисттер жана иш-чаранын катышуучулары бул буюмдарын кайрадан алып кете алышат – деп билдирген Ura.ru маалымат сайтынын кабарчылары.
