ЖК комитети үч министр жана УКМК төрагасынын дайындалышына макулдук берди
Конституциялык мыйзамдар, мамлекеттик түзүлүш, жергиликтүү өз алдынча башкаруу жана Жогорку Кеңештин Регламенти боюнча комитети Кыргыз Республикасынын Улуттук коопсуздук мамлекеттик комитетинин төрагасы жана үч министрдин кызмат орундарына көрсөтүлгөн талапкерлерди дайындоого макулдук берүү маселесин карады. Бул тууралуу Жогорку Кеңештин басма сөз кызматынан билдиришти.
Жыйында талапкерлерди Кыргыз Республикасынын Президентинин жана Кыргыз Республикасынын Министрлер кабинетинин Жогорку Кеңештеги туруктуу өкүлү Бектур Зулпиев тааныштырды.
Комитет төмөнкү талапкерлерди макул деп тапты:
Жумгалбек Шабданбеков – УКМК төрагасы;
Акыл Токтобаев – Жаратылыш ресурстары, экология жана техникалык көзөмөл министри;
Урматбек Шамырканов – Өзгөчө кырдаалдар министри;
Талантбек Солтобаев – Транспорт жана коммуникациялар министри.
Макулдук берилген талапкерлердин дайындалышы Жогорку Кеңештин кароосуна жөнөтүлдү.
