Былтыр прокуратура мамлекеттик бюджетке 67,9 млрд сом кайтарды
Аяктаган кылмыш иштери жана соттук териштирүүдөн баш тартылган иштерден келтирилген зыяндын жалпы суммасы 70 млрд 680 млн сомду түзгөнүн башкы прокурор Максат Асаналиев Жогорку Кеңештин комитетинин жыйынында билдирди.
Анын айтымында, бардык каражаттар толугу менен мамлекеттик бюджетке кайтарылды.
"Кайтарылган каражаттын анча чоң эмес бөлүгү улуттук коопсуздук органдары тарабынан иликтенген иштерге тиешелүү. Ички иштер министрлиги 1,4 млрд сомдон ашык каражатты, Аскер прокуратурасы болжол менен 884 млн сомду кайтарып берди, ал эми жүздөгөн млн сомдор башка органдардын материалдары боюнча кайтарылып берилди", - деп айтты Асаналиев.
Башкы прокурор белгилегендей, айрым учурларда кылмыш жолу менен алынган мүлк ыктыярдуу кайтарылгандан кийин кылмыш иши токтотулган.
“Тергөө иштеринин сапатын жакшыртуу үчүн прокуратура 90 кылмыш ишин кошумча тергөөгө жөнөттү, ал эми соттор дагы 136 ишти кайра кароого кайтарып беришти”, - деп кошумчалады ал.
