Бийлик

Жогорку Кеңеш дагы 4 жаңы депутат менен толукталды

Ишкер Media

18 февр. 2026 12:58

Бүгүн КРнын Жогорку Кеңешинин пленардык отурумунун жүрүшүндө, Борбордук шайлоо комиссиясынын төрагасы Тынчтыкбек Шайназаров депутаттардын жаңы курамы менен тааныштырып, эл өкүлдөрүнун ант берүү аземи болду.

Т.Шайназаровдун айтымында, Боршайком 2026-жылдын 13-февралында 2025-жылдын 30-ноябрындагы мөөнөтүнөн мурда өткөн шайлоодогу №13 көп мандаттуу шайлоо округу боюнча, 2025-жылдын 3-декабрындагы №160-токтомун кайра карап, ал токтомду жокко чыгарып, добуш берүүгө катышкан шайлоочулардын добуштарынын көбүн алган талапкерлер - Алтынбеков Айбекти, Мамытов Талантты, Карабекова Айгүлдү КРнын Жогорку Кеңешине шайланган депутаттары деп таанылган.

“БШКнын 2026-жылдын 13-февралындагы №15 токтому менен БШКнын 2025-жылдын 30-декабырындагы №13 көп мандаттуу шайлоо округу боюнча КРнын ЖКнын депутаттарын кайра шайлоону өткөрүү жөнүндөгү №196 токтому жокко чыгарылды. Бул токтомдор Бишкек административдик жана КРнын Жогорку Соттору тарабынан каралып, БШКнын чечими мыйзамдуу деп, табылды. Ошондуктан бүгүнкү комиссиянын отурумунда, Алтынбеков Айбекти, Мамытов Талантты, Карабекова Айгүлдү КРнын Жогорку Кеңешинин депутаттары деп каттады” – деп билдирди Шайназаров.

Мындан сырткары Боршайкомдун төрагасы, 2026-жылдын 17-февраль күнү КРнын ЖКнин депутаты Сулайманов Эрландын өзүнүн берген арызынын негизинде, анын депутаттык ыйгарым укуктары токтотулгандыгын билдирди. Ал эми анын бош калган мандат орду кийинки шайлоого катышкан шайлоочулардын көп добушуна ээ болгон Абдуллаев Азимбекке ыйгарыпып, ал КРнын ЖКнын депутаты болуп катталды.

Мындан тышкары окуңуз

Чүй облусунда 22,83 гектар жер ЕАЭБ пункттарындагы товар алмашуу үчүн даярдалды

Чүй облусу боюнча президенттин ыйгарым укуктуу өкүлүнүн биринчи орун басары Санжар Жантаев аймактын социалдык-экономикалык өнүгүүсү боюнча коллегиянын жыйынында 2025-жылдын 18-декабрындагы № 14-13633 "ЕАЭБге мүчө мамлекеттерден ташылып келинген товарларды эсепке алуу пункттарында мамлекеттик органдардын жана маалыматтык системалардын өз ара аракеттенүүсү жөнүндө" МинКаб төрагасынын орун басарынын тескемесинин аткарылышы тууралуу маалымат берди.

"Ала-Арча" мамлекеттик жаратылыш паркында жаңы асма жол ачылат

Бүгүн “Ала-Арча” мамлекеттик жаратылыш паркында өлкө жетекчилигинин катышуусунда жаңы асма жол расмий түрдө ачылат. Бул тууралуу Туризм департаментинин директору Эрденет Касымов “Кабар” агенттигине билдирди. Анын айтымында, тоо башына курулуучу мейманканалар жана тамактануучу жайлар экологиялык стандарттарга ылайык жана бардык эрежелерди сактоо менен ишке ашырылууда. “Жакынкы келечекте Кыргызстандын ар бир тоосу жана

Финансы министрлигинин гранттары Чүй облусундагы долбоорлорду 192 млн сомго каржылаган

2025-жылы Финансы министрлиги тарабынан бөлүнгөн стимулдаштыруучу (үлүштүк) гранттардын эсебинен жергиликтүү өз алдынча башкаруу органдары жалпы суммасы 365 млн 872 миң сомду түзгөн 89 долбоорду ишке ашырган. Бул тууралуу бүгүн Чүй облусу боюнча президенттин ыйгарым укуктуу өкүлүнүн биринчи орун басары Санжар Жантаев 2026-жылга карата Чүй облусунун социалдык-экономикалык өнүгүү маселелерине арналган коллегиянын

Социалдык кызматкерлер өлкө боюнча 9 452 муктаж жаранга жардам көрсөтүшөт

Бүгүнкү күндө Эмгек, социалдык камсыздоо жана миграция министрлигинин шаардык, райондук жана райондор аралык башкармалыктарында 2026-жылдын 1-январына карата 854 социалдык кызматкер социалдык жардамга муктаж болгон 9452 жаранга үйүнө барып кызмат көрсөтүшөт. Бул тууралуу ведомстводон билдиришти. Алардын ичинде: • жалгыз бой улгайган жарандар – 3819 адам; • майыптыгы бар адамдар – 2313 адам; • жубайлар – 350 үй-бүлө;