Жогорку Кеңеште 90 депутаттын 31и аял: Кыргызстан дүйнөдө лидер
Жогорку Кеңеште аял депутаттардын саны 31ге жетип, бул көрсөткүч боюнча Кыргызстан дүйнөдө биринчи орунга чыкты. Бул тууралуу парламенттин төрагасы Марлен Маматалиев билдирди.
Анын айтымында, Бириккен Улуттар Уюмунун Парламенттер аралык бирлигинин маалыматына ылайык, Кыргызстан парламенттеги аялдардын үлүшү боюнча дүйнөлүк лидер деп табылган.
Төрага белгилегендей, парламентте аялдардын өкүлчүлүгүн арттырууга өзгөчө көңүл бурулуп келет. Учурда президиумда жана комитеттерде 30%дык квота сакталууда. Алгачкы жолу аял депутаттар комитет төрайымы жана эл аралык депутаттык топтордун жетекчиси болуп шайланышты.
Расмий маалыматка ылайык, Жогорку Кеңештеги аял депутаттардын үлүшү акыркы жылда 12,9%га өстү. Бүгүнкү күндө 90 депутаттын 31и аялдар.
