Red Petroleum компаниясынын жетекчиси СИЗОдон бошотулду
Бишкек шаарынын Биринчи Май райондук соту Red Petroleum май куюучу жайлар тармагынын башкы директору Акылбек Маматовго карата бөгөт чарасын өзгөрткөнүн соттун басма сөз кызматы билдирди.
Чечим 17-апрелде тергөөнүн өтүнүчүнүн негизинде кабыл алынган. Сот аны камактан бошотуп, өлкөдөн чыкпоо тууралуу тилкат түрүндөгү бөгөт чарасын колдонду.
Акылбек Маматов КР Кылмыш-жаза кодексинин 41-337-беренесинин 3-бөлүгү (кызмат абалынан кыянаттык менен пайдаланууга шериктеш болуу) боюнча ишке тартылууда. Буга чейин, 15-апрелде ал СИЗО-1ге киргизилген.
Маалыматка ылайык, Акылбек Маматов Жогорку Кеңештин V жана VI чакырылыштарынын мурдагы депутаты Абдимуктар Маматовдун уулу болуп саналат.
