"Шоро", "Газпром", "Эйр Астана" компанияларына батончиктерди жасаган, Өзгөн күрүчүн Америкага экспорттогон "төрт дос"

"Шоро", "Газпром", "Эйр Астана" компанияларына батончиктерди жасаган, Өзгөн күрүчүн Америкага экспорттогон "төрт дос"

"Шоро", "Газпром", "Эйр Астана" компанияларына алардын соода маркасы менен Кыргызстандын мөмө-жемиштеринен сапаттуу батончиктерди жасап берген жана Өзгөн күрүчүн эл аралык сертификациядан өткөрүп, Америкага чейин экспорттогон, төрт дос негиздеген Advantex компаниясынын башчысы Асыл Куменов ИШКЕР MEDIA басылмасына кызыктуу маек куруп берди.

— Компанияңыз тууралуу айтып берсеңиз?

"Шоро" брендине батончиктерди чыгарабыз, андан тышкары, Өзгөн күрүчүн чет өлкөлөргө экспорттойбуз. Ага чейин "Газпром" компаниясы менен келишимибиз бар эле, алардын соода маркасы менен батончиктерди чыгарып жүрдүк, алар Кыргызстанда жана Казакстанда май куючу станцияларында сатышчу. Ошондой эле пандемияга чейин "Эйр Астанага" дагы бортто берилчү тамак катары сатчубуз. Биз дайыма "биздин Аксынын кайналысы, Баткендин өрүк кагы, Ысык-Көлдүн, Ноокаттын, Оштун алмасы бүт дүйнөгө учушту" деп айтып калабыз.

— Канча капитал менен баштадыңыздар?

— Каражатыбыз аз болчу, азыр артты карасам, булардын баары интузиазмдын эсебинен эле ишке ашкан экен. Биз төрт достон турган команда баштаганбыз, ар бирибиз ар кайсы тармагын тартып кеттик. Көп кыйынчылыктарды чогуу басып өттүк. Ынтымактуу иштеп, бир багытка умтулганыбыз үчүн компания азыр деле иштеп, жыл сайын жакшы динамика көрсөтүп жатат.

— Азыр басымды эмнеге жасап жатасыздар, батончиккеби же күрүчтү экспорттоогобу?

— Күрүч туруктуу экспортко чыкпайт, талап дайыма көп эмес, буюртма келгенде жөнөтөбүз. Батончиктерибиз болсо биздин рельске түшкөн туруктуу жумушубуз, айына канча көлөмдө сатылат билебиз.

— Ал эми "Шоро" компаниясы менен кандай келишимдин негизинде иштейсиздер?

— "Шоро"— бул чоң, репутациясын жылдап тургузган компания. Алар менен бир жылдан ашык даярдоо этабында болдук, документацияны жана кийин эч бир сюрприз чыкпаш үчүн кандай аракеттенебиз, баарын иштеп чыктык. Биз алардын соода маркасы менен чыгарабыз, алар сатууга алып чыгышат, экспортко дагы чыгарышат. Алар дүң кардар эмес, көбүрөөк өнөктөш десек болот. Анткени компаниябыздын жашоосуна аралашып турушат, цехке келип, кандайдыр бир сунуштарын айтышат, алар дагы биздин өсүшүбүзгө салым кошуп келишет. Алардын бизнес процессти кантип жолго коюп жатканын көрүп, биз дагы өсүүдөбүз.

— Өндүрүшүңүздүн кубаттуулугу жана жылдык акча айлантууңуздар канча?

— Биздин долбоордун азыркы шарттагы кубаттуулугу — айына 400 миң даана батончик. Эгерде батончиктин өзүн эле алсак анда өтө деле көп эмес, ал эми "Шоронукун" кошкондо 15 млн сомдон ашат. Бул эми бир эле багытыбыз, башка багыттарды кошкондо кээ бир айларда жакшы көрсөтмөлөр болот.

— Күрүчтү чет өлкөдөгү кыргыз кафе-ресторандарына жөнөтөсүздөрбү?

— Күрүчтү россиялык "Увелка" компаниясына жөнөтөбүз, алар кичи баштыктарга салып, Россиянын ичиндеги көп тармактуу дүкөндөргө өткөрөт. Америкага болсо Нью-Йорктогу кардарыбызга жөнөтөбүз, ал мурда Өзбекстандан, Тажикстандан товар ташыптыр. Биздин күрүчтү тажиктердин компаниясынан алып кетчү экен, тажик компаниясы бизден дүңүнөн сатып алып, баштыктарга салып, аларга өткөрчү экен. Чынын айтыш керек, соода жагынан алар бизден алдыга кетишкен. Биз мындай процесстерди эми гана жолго коюп келе жатабыз.

— Баткендин күрүчтөрүн сатып көрбөдүңүздөрбү, ал деле жакшы бааланат го.

— Аны деле сунуштап жатабыз, бирок девзира уникалдуу да. Бул күрүчтү сатуу үчүн көп лабароториядан өттүк. Казакстанга жөнөттүк, лабароториялык изилдөө жүргүздүк, сертификациядан өттүк. Биз эми базарга сатпай элебиз. Россиянын базарына Өзгөн күрүчү документсиз контрабанда менен качан эле кирген. Биз ал жакты караган да жокпуз, кардарлар документтерди сурашат деп баарынан өттүк. Азыр мезгил мезгили менен буюртма болуп турат.

— Салык органдары же мамлекет тарабынан кыйынчылыктар жокпу? Компанияңызда канча адам иштейт?

— Жок, ал менен бухгалтерибиз иштейт, ал эми командабызда жыйырмадай адам бар. Бизде деле башка ишкерлердикиндей эле көйгөй, өндүрүш ижарада турат, ар бир линияны коюуга алган толтура кредиттерибиз бар. Кайсы бир мезгилде тобокелге салып кредит алып, ижарага кирип иштеш керек окшойт.

Бүт ишканаларга, айрыкча, тамак-аш өндүрүшүнө жеңилирээк тарифтер, өзүнчө преференциялар берилсе, жергиликтүү өндүрүүчүлөрдү мамлекет коргоого алса жакшы болмок. Мисалы, ошол эле батончиктер Россиядан келет, региондордо мөөнөтүнөн өтүп кеткендери өз наркынан ылдый баада сатылат. Башкача айтканда, рынок корголгон эмес. Алар менен кантип атаандашабыз, алардын гигант заводдору бар, өздөрүнүн мөөнөтү өтүп кеткен азыктарын бизге арзан баада өткөрүп салышат, мен өз көзүм менен көрүп эле жүрөм. Кандайдыр бир жергиликтүү өндүрүшчүлөрдү коргогон, колдогон, импортту фильтрден өткөргөн бир мыйзам долбоору болсо жакшы болмок.

Өзгөн күрүчү деле контрабанда менен кетип жатканы жашыруун эмес. Биз баарын ачык кылып, салык төлөп, сертификациядан өтүп жөнөтүп жатсак, контрабанда менен барган күрүч арзан болуп жатат. Бул багытта бир механизм иштелиш керек.

— Өндүрүш бизнеси үчүн эң чоң көйгөй бул ижара маселесиби же андан да өткөн көйгөй барбы? Сиздер ЭЭАда турасыздарбы?

— Жок, биз өзүбүз ижарада эле турабыз. Мамлекеттен өндүрүшчүлөргө арзан баада ижарага имарат берүү сыяктуу колдоо болгон жок, бирок өзүбүз деле сурап барбадык. Бир колдоосу жеңилдетилген жакшы шарттагы кредитти алдык. Акыркы эки-үч жылда чийки зат жетишпей кыйналдык. Бир жылы кара өрүк жакшы болбоду, бир жылы өрүк как аз болду. Кээде чийки затты башка жактан алып келген учурлар болду.

— USAID менен кантип иштешип келесиздер?

— Өндүрүш линиясынын жабдууларынын канча бир бөлүгүн алууга гранттык колдоо алдык. Андан сырткары, алар бизге көргөзмөлөргө барууга, компанияга маркетолог же технологдорду алууга, эң башкысы сертификациядан өтүүгө жардамдашышат.

  • "Адвантекс" ЖЧК 2016-жылы катталып, OIMO Foods бренди менен өнөр жай өндүрүшүн ачып, кургатылган жемиштер менен жаңгактарды өндүрүү жана сатуу менен баштаган. 2016-жылы Компания "Аракет" улуттук ишкерлер сыйлыгынын "Мыкты стартап" номинациясын жеңип алган.

Экономика

Агрардык тармакта кошумча тышкы каржылоого муктаждык 137 млрд сомду түзүүдө – Бакыт Төрөбаев

Агрардык тармакта кошумча тышкы каржылоого муктаждык 137 млрд сомду түзүүдө – Бакыт Төрөбаев

2024-жылдын 2-апрелинде Бишкекте Суу ресурстары, айыл чарба жана кайра иштетүү өнөр жай министирлиги Дүйнөлүк банк менен биргеликте уюштурган туруктуу агрардык

«Кепилдик фонду» акционерлердин жылдык жалпы чогулушун өткөрөт – күн тартиби

«Кепилдик фонду» акционерлердин жылдык жалпы чогулушун өткөрөт – күн тартиби

«Кепилдик фонду» ААКсы 2024-жылдын 26-апрелинде акционерлеринин жылдык жалпы чогулушун өткөрүү жөнүндө билдирет. Маалыматка ылайык, акционерлердин жылдык жалпы чогулушуна катышууга укугу

Дагы Экономика

Бизнес

Дагы Бизнес

Бийлик

Министрлер Кабинети саламаттыкты сактоо системасын стратегиялык өнүктүрүүгө өзгөчө маани берет

Министрлер Кабинети саламаттыкты сактоо системасын стратегиялык өнүктүрүүгө өзгөчө маани берет

Саламаттыкты сактоо системасын өнүктүрүү өлкөбүз үчүн артыкчылыктуу багыттардын бири болуп саналат жана минкаб аны стратегиялык жактан өнүктүрүүгө өзгөчө маани берет.

Дагы Бийлик

Коом

Чүйдө жер мунапысынын алкагында дачалардын көйгөйлөрүн чечүү иштери башталды

Чүйдө жер мунапысынын алкагында дачалардын көйгөйлөрүн чечүү иштери башталды

Президенттин Чүй облусундагы ыйгарым укуктуу өкүлү Канат Джумагазиев дача кооперативдеринин башчылары менен жолугушуп, аймактагы жер мунапысынын жүрүшүн талкуулады. Бул тууралуу

Дагы Коом

Гранттар жана кредиттер

Кыргызстан менен Корея кызматташтыгынын актуалдуу маселелери талкуулады

Кыргызстан менен Корея кызматташтыгынын актуалдуу маселелери талкуулады

Министрлер кабинетинин төрагасынын биринчи орун басары Адылбек Касымалиев Кореянын элчиси Ли Вонджэ менен жолукту. Бул тууралуу минкаб билдирди. Жолугушуунун жүрүшүндө

Швейцария Саламаттык сактоо министрлигине  43 млн сомдук компьютердик жабдууларды берди

Швейцария Саламаттык сактоо министрлигине 43 млн сомдук компьютердик жабдууларды берди

Бүгүн Швейцариянын элчиси Оливье Бангертер үй-бүлөлүк дарыгерлер топторун техникалык жактан жабдууну колдоо максатында КР Саламаттыкты сактоо министри Алымкадыр Бейшеналиевге 320

Дагы Гранттар жана кредиттер

Энергетика

Дагы Энергетика

Транспорт

Таласта кызматкерлер жол куруу учурунда мамлекетке 7 млн сом зыян келтиришкен

Таласта кызматкерлер жол куруу учурунда мамлекетке 7 млн сом зыян келтиришкен

"Кыргызавтожол" мамлекеттик ишканасынын Талас филиалынын кызмат адамдарынын мыйзамсыз иш-аракеттери аныкталды. Бул тууралуу УКМКнын басма сөз кызматы билдирди. Келтирилген

Күйүүчү-майлоочу майлардын запасы жетиштүү — Экономика министрлиги

Күйүүчү-майлоочу майлардын запасы жетиштүү — Экономика министрлиги

Кыргызстандын күйүүчү-майлоочу майлар рыногунда баалардын абалы туруктуу. Бул тууралуу Экономика министрлигинин басма сөз кызматы билдирди. Ведомствонун маалыматына ылайык, 2024-жылдын 8-январына

Дагы Транспорт

Бизнес маек

Биржанын туура тандалган бизнес-модели колдонуучулардын каражаттарын сактап калат –эксперт криптотармагы тууралуу айтып берет

Биржанын туура тандалган бизнес-модели колдонуучулардын каражаттарын сактап калат –эксперт криптотармагы тууралуу айтып берет

Дээрлик бир жыл мурун крипто индустриясы катуу кризисти башынан өткөргөн. FTX крипто биржасы кыйрагандан кийин криптовалюталардын курсу жана колдонуучулардын ишеним

Кыргызстанда бут кийим чыгаруу тармагы өнүксө дейм — "Таазим" брендинин негиздөөчүсү Нурсултан Муратов

Кыргызстанда бут кийим чыгаруу тармагы өнүксө дейм — "Таазим" брендинин негиздөөчүсү Нурсултан Муратов

ИШКЕР MEDIA аймактардагы чакан бизнести ар дайым колдоп, алардын ийгилиги менен көйгөйлөрүн чагылдырууну улантат. Бул жолу колго бут кийим тигүү

Кыргыздын кол өнөрчүлүгү аябай бай — шырдактарды жалаң чет өлкөгө саткан ишкер Мансур Абылаев

Кыргыздын кол өнөрчүлүгү аябай бай — шырдактарды жалаң чет өлкөгө саткан ишкер Мансур Абылаев

Kyrgyz Handmade деп чыккан көз жоосун алган шырдактарды, улуттук буюмдарды алгач сайтынан көрүп суктанып жүрдүк. Анткени сапаты, кооздугу, оймолору чынында

Мамлекет оюндун эрежелерин эле так белгилеп койсо таланттуу ишкерлер көбөйөт — ЖИАнын жетекчиси Аззамбек Жээнбай уулу

Мамлекет оюндун эрежелерин эле так белгилеп койсо таланттуу ишкерлер көбөйөт — ЖИАнын жетекчиси Аззамбек Жээнбай уулу

2006-жылы прогрессивдүү ишкерлердин демилгеси менен түзүлүп, бардык облустарда кеңселерин ачып, учурда Кыргызстанда орто жана чакан бизнестин миңдеген өкүлүнүн башын бириктирип,

Дагы Бизнес маек

Кызыктуулар

Кыргызстанга Казакстандан жараксыз документтер менен 22 тонна беде үрөнүн алып келүүгө аракет кылышкан

Кыргызстанга Казакстандан жараксыз документтер менен 22 тонна беде үрөнүн алып келүүгө аракет кылышкан

Кыргыз-казак чек арасындагы "Чалдовар" көзөмөл-өткөрүү пунктуна жакын жерде Айыл чарба министрлигинин кызматкерлери Казакстандан Кыргызстанга беде үрөнүн ташып келүүдө

Дагы Кызыктуулар

Абдан жакшы! Сиз ийгиликтүү катталдыңыз.

Кайра кош келиңиз! Сиз ийгиликтүү кирдиңиз.

Сиз ИШКЕР MEDIA - Кыргыз тилиндеги биринчи улуттук бизнес сайты сайтына ийгиликтүү жазылдыңыз.

Ийгилик! Кирүү үчүн сыйкырдуу шилтеме үчүн электрондук почтаңызды текшериңиз.

Ийгилик! Төлөм маалыматыңыз жаңыртылды.

Эсебиңиз жаңыртылган жок.