Чек ара чырларынан кийин ишкерлер дагы деле кооптонуп турушат — Баткен ЖИА

Чек ара чырларынан кийин ишкерлер дагы деле кооптонуп турушат — Баткен ЖИА

Жеңилдетилген кредиттер Баткендин ишкерлерине жетпей жатат жана эки жолку чоң чек ара чырынан соң ишкерлер дагы деле кооптонуп турушат. Мындай маалыматты Баткен ЖИАнын жетекчиси Муратбек Газыев ИШКЕР MEDIA басылмасына берген маегинде билдирди. Ошондой эле ал облустагы ишкерлердин абалы жана учурда кайсы тармактарда өнүгүү байкалгандыгы тууралуу бир катар пикирлерин айтты.

Газыевдин айтымында, учурда Баткен ЖИАга мүчө болгон ишкерлердин саны 200гө жакындап калды. Ошондой эле Баткенде бизнестин кайсы түрү жакшы өнүгүп жатат деген сурообузга ал соода менен кафе-ресторандар тармагын белгиледи.

"Азыр эки багыт жакшы өнүгүп жатат, биринчиси, соода-сатык, анын ичинде тамак-аш, курулуш материалдары, канцтовар, жуучу каражаттар болсун, бул алдыга баратканы байкалат. Экинчиси, HoReCa тармагы өнүгүүдө, келген коноктор да көп болуп жатат. Кайсы жерге барсаң, мейманканаларда орундар жокко эсе. Ошондой эле кондитердик, тамак-аш жана тигүү цехтери көбөйгөнү байкалууда", — деди ал.

Газыев Баткенге берилген өзгөчө макам ишкерлерге таасирин бираз тийгизгени менен баары бир жеңилдетилген кредиттер жетишсиз болуп жатканын айтты.

"Чоң болбосо дагы жеңилдетилген салыктар киргизилген, кошумча 500 млн бөлүнүп жатпайбы, ошондон дагы пайдалангандар бар. Бирок эки жолку чек ара чырынан кийин дагы деле ишкерлер кооптонуп турушат. Ишкана курууда же кандайдыр бир чоң долбоорлорго киришкенден чочулап турушканы байкалат.
Ал эми арзандатылган пайыз менен кредиттер келип жатат, бирок алар толук кандуу жетпей жатканы да көйгөй болууда. Ишкерлер алып жатышат, бирок сумма аз келип жатабы, эмне болуп жатат, айтор, ишкерлерге толук жетпей жатат",— деди ал.

Баткен ЖИАнын жетекчиси мамлекеттик тиешелүү органдар менен ишкерлердин ортосунда көпүрө катары тегерек столдорду квартал сайын уюштуруп турарын да белгилеп өттү. Ошондой эле ал өлкөнүн башка аймактарындагыдай эле эмгек рыногунда сапаттуу кадр жетишсиздиги бар экенин жана сырттан эмес, ички инвесторлор эле келип жатканын кошумчалады.

"Сырттан эмес, ички инвесторлор эле келип жатышат. Чакан ГЭС курган, башка курулуш тармагында ички инвесторлор эле бар. Сырттан келгендер дээрлик жокко эсе. Жогоруда айткандай, эң жакшы өнүгүп жаткан тармактар — бул соода-сатык, себеби, калктын суроо-талабы бар. Ошондой эле сервис тармагы, кафе-ресторандар өнүгүп жатат, анткени тойлор, мааракелер, иш-чаралар өтүп турат. Бирок бүт тармакта эле кесипкөй адистер жетишпей жатат", — деди Муратбек Газыев.

Read more

«Алтын тамга» артыкчылык аттестат ээлерине «Альянс Алтын» ноутбук тапшырды

«Алтын тамга» артыкчылык аттестат ээлерине «Альянс Алтын» ноутбук тапшырды

«Альянс Алтын», 30-майда президенттин Талас облусундагы ыйгарым укуктуу өкүлчүлүгүндө 2023-2024-окуу жылынын жыйынтыгы менен облус аймагында «Алтын тамга» артыкчылык аттестаттына ээ болгон окуучулар сыйлоо аземи болуп өттү. Бул тууралуу «Альянс Алтын» ишканасынын маалымат кызматы билдирди. Такталгандай, президенттин Талас облусундагы ыйгарым укуктуу өкүлү Нурлан Дарданов, «Альянс Алтын» өнүктүрүү фондунун жетекчиси Баатыр Качкынбаевдин

РКӨФ жана «Альянс Алтын» биргеликте Таластагы долбоорлорду каржылайт

РКӨФ жана «Альянс Алтын» биргеликте Таластагы долбоорлорду каржылайт

Россия-Кыргыз өнүгүү фонду «Альянс Алтын» компаниясы жана ушул эле аталыштагы өнүктүрүү фонду үч тараптуу кызматташуу келишимин түзүштү. Келишим энергиянын кайра жаралуучу булактары, айыл чарба продукциясын кайра иштетүү жана башка негизги багыттарда биргелешип иштөөгө багытталган. Бул кызматташтыктын алкагында РКӨФ жана «Альянс Алтын» өнүгүү фонду Талас облусунда тиешелүү долбоорлорду тандап, экспертизадан өткөрүп,

Шылуундарды  кантип таануу боюнча Улуттук банктын кеңештери

Шылуундарды кантип таануу боюнча Улуттук банктын кеңештери

Акыркы убакта Кыргызстанда банк тармагында алдамчылык фактылары көп катталууда. Кыргызстандыктар социалдык тармактарда, телефон аркылуу же мессенджер аркылуу алданууда. Алдамчылыктын курмандыктары акчасы уурдалгандан кийин гана билишет. Улуттук банктын керектөөчүлөрдүн укугун коргоо бөлүмү Economist.kgге каржы тармагындагы алдамчылыктын түрлөрү тууралуу айтып берди, бул жарандардын сергек болушуна жардам берет. Банк тармагында алдамчылыктын кандай

Экологиялык диалог: «Альянс Алтын» эко долбоорлорду колдоону улантат

Экологиялык диалог: «Альянс Алтын» эко долбоорлорду колдоону улантат

Талас облусунда экологияга өзгөчө көңүл бурулат. Талас шаарында 2024-жылдын 19-апрелинде «Альянс Алтын» компаниясы «Экологиялык диалог: келечекке көз караш» аттуу тегерек стол өткөрдү. Бул тууралуу компаниянын басма сөз кызматы билдирди. Алсак, тегерек столго Талас облусундагы ыйгарым укуктуу өкүлчүлүктүн өкүлдөрү, экологдор, окумуштуулар, студенттер, суу чарба, өзгөчө кырдаалдар, мамлекеттик жана өкмөттүк уюмдардын адистери,