Үйүн жыйнатууга чакырган кардар жөн эле кофе ичип отурганы жетиштүү — "Аманат клининг" компаниясынын негиздөөчүсү менен маек

Үйүн жыйнатууга чакырган кардар жөн эле кофе ичип отурганы жетиштүү — "Аманат клининг" компаниясынын негиздөөчүсү менен маек

ИШКЕР MEDIA ЖИА бизнес ассоциациясы менен биргеликте чакан бизнес менен алектенген жаш ишкерлер тууралуу баяндарын улантат. Бүгүн "Аманат Клининг" компаниясынын негиздөөчүсү Аманат Осмонова менен маектешип, бул тармак тууралуу билгенге аракеттендик.

Аманат, канча жаштасыз, эмне болуп бул тармакка келип калдыңыз?

Мен 23 жаштамын, Нарындан болом, кесибим боюнча юристмин. Студент кезимде окуудан тышкары иштеп жүрүп, бул тармакка 19 жашымда келдим. Ал кезде акыркы бир айда иштегенибиздин акчасын ала албай жүрдүм, мен иштеген компания үч жолу атын өзгөрттү. Ошол кезде бул нерсени өзүм деле жакшы жасай аларымды, команда топтосом болорун ойлоп, өз алдымча иштөө боюнча идея келген болчу. Кесибим боюнча банкта иштеп көрдүм, бирок кайра эле ушул тармакка келдим. Кийин юридикалык жактан расмий катталып жумушумду баштадым, бүгүнкү күндө командабызда 16 адам эмгектенет. 

— Канча каражат салдыңыз?

— 2019-жылы башында 50 миң сом менен баштадым. Ал акчага пылесос, жуучу каражаттарды, кыздарга форма алдык, сайт ачтырдык. Пандемия убагында банкта иштеп жүрдүм, андан кийин жумуштан кетип бул бизнесимди улантып кеттим. Башында иштин көзүн билбей жаткангабы киреше деле болгон жок, анткени убактымдын көбү негизги жумушка кетчү. Акыркы жылдары гана командабыз өсүп, бираз пайда ала баштадык. 

— Батирди жыйнаганда жумушчуларга, жуучу каражаттарга канча акча кетет жана таза пайдасы кандай?

— Эгерде 10 миң сомго буюртма алсак, анын 60%ы клинердин акчасы, 25%ы жол кире, жуучу каражаттарга, тамакка кетет, негизинен жалпы суммадан 15-20% таза киреше калышы керек. 

Тазалап бүткөндөн кийин барып текшерип келебиз, менден тышкары дагы эки менеджерибиз бар. Буюртма көп болуп кетсе, бир күндө үч объект алганга аракет кылабыз. Биринчи өзүбүз барып көрөбүз, клинерлер иштейт, андан кийин гана кардарга өткөрүп беребиз. Негизги кардарларыбыз кичине балдары бар үй кожойкелери же өзүнүн негизги жумушу бар, үй жыйнаганга убактысы жок ишкер айымдар жана кеңселер.

— Кызматкерлерди жумушка алып жатканда эмнени үйрөтөсүздөр?

— Эң биринчи кызматка алып жатканда тесттен өткөрөбүз, интровертпи, экстравертпи, мүнөзү кандай. Жумушка алгандан үч күн бою биздин менеджерибиз үйрөтүп, кошо жүрөт. Биздин кардарларыбыздын 90%нын үйүндө камералары бар, ага карабастан биз дагы кепилдик беребиз. Кардардан буюртманы биз алгандыктан баарын көрсөтөбүз, мисалы, жуучу каражаттардын курамы ар кандай болушу мүмкүн, бир нерсени күйгүзүп албаш үчүн, жарактан чыгарып салбаш үчүн баарын үйрөтүп, ишеничке киргенден кийин гана жалгыз таштайбыз. 

— Кандай каражаттарды колдоносуздар жана үйдүн чарчы метрин канчадан жыйнайсыздар ?

— Кардарлардын суранычы менен азыр 60% жумушту буу менен тазалоочу аппарат менен жасайбыз. Генералдык жыйноо 65 сомдон башталат, жөнөкөйү 45 сом, ремонттон кийин 70 сомдон өйдө болот. 

— Сиздерде атаандаштык көппү, кантип туруштук бересиздер?

— Аябай көп. Рыноктогу аброюбуз жакшы эле, анткени көптөн бери иштеп келебиз. Негизинен бири-биринен угуп эле чалышат. Биз кызматыбыздын сапатына иштегенибиз үчүн, мурдагы кардарларыбыз чакыра беришет. Эгерде кардарга бир нерсе жакпай калса, эртеси күнү кайра эле ошол курам менен барып тазалап кетебиз. Жооп бербей, телефон чалуусун албай коюу деген нерсе бизде жок. 

— Кызматкерлер күнүгө үй жыйнагандан тажашпайбы?

— Жок, мен кыздардан срамжылоо жүргүзүп турам. Аларга тескерисинче, кызыктуу. Анткени ар күнү ар кандай үйдү жыйнашат. Анын үстүнө кеч болуп кетсе биз жеткиребиз, алып келебиз, тамагын беребиз, кыскасы, бардык шарттарды түзгөнбүз. 

— Үйүн жыйнатууга чакырган идеалдуу кардар кандай болуш керек, кошо жыйнашыш керекпи же кетип калыш керекпи?

— Бизге эң ыңгайлуусу өзү бир бөлмөдө жөн эле кофе ичип отурса болду. Кошо жыйнашыштын кереги жок.

— Башка мамлекеттердеги клининг тармагынан биздики эмнеси менен айырмаланат?

— Бизде Кыргызстанда кызмат көрсөткөн персоналды эмнегедир төмөн көрүшөт, адамдардын 80%ы аларга жөн эле тазалоочу, үй жыйнаган адам катары эле мамиле жасашат. Башка мамлекеттерде бул акчасы жогору төлөнгөн жакшынакай эле кесип. Ошол эле Дубай, Америкада жөнөкөй мамлекеттик жумушта иштегендерге караганда көбүрөөк акча табышат. Бул Кыргызстанга жаңы эле кирип жатат, ошондуктан бизде деле келечеги жакшы деп ойлойм. 

Бул сфера Кыргызстанда акыркы беш жылдан бери активдүү өнүгүп келе жатат. Андан мурда деле иштегендер бар болчу, бирок алар өз алдынча аянтын эсептебей эле иштеп келишкен. Компания, өзүнчө кызмат катары кабыл алынчу эмес. Азыр болсо мындай кызмат көрсөтүү менен алектенгендер, бул жумушту сүйүп жасагандар аябай көп. 

Read more

Шылуундарды  кантип таануу боюнча Улуттук банктын кеңештери

Шылуундарды кантип таануу боюнча Улуттук банктын кеңештери

Акыркы убакта Кыргызстанда банк тармагында алдамчылык фактылары көп катталууда. Кыргызстандыктар социалдык тармактарда, телефон аркылуу же мессенджер аркылуу алданууда. Алдамчылыктын курмандыктары акчасы уурдалгандан кийин гана билишет. Улуттук банктын керектөөчүлөрдүн укугун коргоо бөлүмү Economist.kgге каржы тармагындагы алдамчылыктын түрлөрү тууралуу айтып берди, бул жарандардын сергек болушуна жардам берет. Банк тармагында алдамчылыктын кандай

Экологиялык диалог: «Альянс Алтын» эко долбоорлорду колдоону улантат

Экологиялык диалог: «Альянс Алтын» эко долбоорлорду колдоону улантат

Талас облусунда экологияга өзгөчө көңүл бурулат. Талас шаарында 2024-жылдын 19-апрелинде «Альянс Алтын» компаниясы «Экологиялык диалог: келечекке көз караш» аттуу тегерек стол өткөрдү. Бул тууралуу компаниянын басма сөз кызматы билдирди. Алсак, тегерек столго Талас облусундагы ыйгарым укуктуу өкүлчүлүктүн өкүлдөрү, экологдор, окумуштуулар, студенттер, суу чарба, өзгөчө кырдаалдар, мамлекеттик жана өкмөттүк уюмдардын адистери,

Ишенимдүүлүктүн жана коопсуздуктун жогорку даражасы –кыргыз сомунун аброю жөнүндө

Ишенимдүүлүктүн жана коопсуздуктун жогорку даражасы –кыргыз сомунун аброю жөнүндө

Үстүбүздөгү жылдын биринчи кварталынын жыйынтыгында жүгүртүүдөгү акчанын жалпы көлөмү 201.8 млрд сомдон ашты. Өткөн жылдын тийиштүү мезгилине салыштырмалуу сумма 24.6 млрд сомго же 14.6%га өскөн. Мындай акча массасын жүгүртүү үчүн жасалма акча жасоочулардан жакшы коргоо керек. Кыргызстандын улуттук валютасы сом бардык заманбап стандарттарга жооп берет. Улуттук

Яндекс Go самокаттары Кыргызстанда иштей баштады

Яндекс Go самокаттары Кыргызстанда иштей баштады

Эми Бишкектин жашоочулары Яндекс Go тиркемесинен электр самокаттарды ижарага ала алышат. Самокатты ээлеп койгондон кийин ага чейин жетүү үчүн колдонуучулар 10 мүнөт акысыз убакыт ала алышат. Сапардын баасы бир мүнөткө 8 сомдон башталат. Төлөм Яндекс Go тиркемесине байланган картадан алынат. Ыӊгайлуу болсун үчүн 1 же 6 айга - 150 жана